الەۋمەتتىك جەلىدە پايدا بولعان ۆيدەونىڭ استىندا پايدالانۋشىلار «بەلگىسىز بىرەۋلەر ۆيرۋس شاشىپ جاتىر» دەگەن پىكىرلەر قالدىرۋدا، دەپ حابارلايدى قازاقپارات ءتىلشىسى.
جۇرتتىڭ ۇرەيىن تۋدىرعان بەينەتۇسىرىلىم بۇگىن الەۋمەتتىك جەلىلەر ارقىلى تارادى. كەيبىرجەلى قولدانۋشىلار ونى بىرەۋلەر ۆيرۋستى تۇرعىن ۇيلەردىڭ ۇستىنەن شاشىپ جاتىر دەپ بولجام جاساپ تا ۇلگەرگەن. قاراعاندى وبلىسى اكىمىنىڭ باسپا ءسوز قىزمەتى بۇل اقپاراتتى جوققا شىعاردى.
«بۇل توتەنشە جاعداي ەمەس، اتالعان قۇبىلىس جونىندە قازگيدرومەت ماماندارى تۇسىنىكتەمە بەردى. تاڭعى گلوريا- بۇل سيرەك كەزدەسەتىن مەتەورولوگيالىق قۇبىلىس، ول كولدەنەڭ بۇرالعان بۇلتتار تۇرىندە كورىنەدى. بۇلتتار بيىكتىگى 1 دەن 2 ك م- گە دەيىنگى نايزاعايلى جيەكتى قۇراپ، كوبىنەسە جەردەن 100-200 مەتر بيىكتىكتە (ءبىراق ادەتتە جوعارى) ورنالاسادى. ونىڭ ۇزىندىعى 1000 ك م- گە دەيىن جەتىپ، ساعاتىنا 60 ك م جىلدامدىقپەن قوزعالادى. «تاڭعى گلوريا» كوبىنە قاتتى جەل جانە جەر بەتىندەگى قىسىمنىڭ وزگەرۋىنەن پايدا بولادى بۇلتتىڭ الدىندا وعان بەلگىلى ءبىر ءپىشىن بەرەتىن جىلدام ۆەرتيكالدى قوزعالىس پايدا بولادى. كوبىنە بۇل قۇبىلىس نايزاعاي باستالعانعا دەيىن پايدا بولادى»، - دەپ جازدى Facebook-تەگى ءوز پاراقشاسىندا قاراعاندى وبلىستىق اكىمدىگىنىڭ باسپا ءسوز حاتشىسى مارينا شاپوۆالوۆا.
بەينەكورىنىستىڭ استىنا كەيبىرەۋلەر «بەلگىسىز ادامدار ۆيرۋس شاشىپ جاتىر» دەپ جازبا قالدىرعان. باسقالارى، كەرىسىنشە، «بۇل كوروناۆيرۋسپەن كۇرەسەتىن بەلگىسىز زات» دەيدى. بۇل ۆيرۋستىڭ تارالۋى ەمەس، تابيعاتتىڭ سيرەك كەزدەسەتىن قۇبىلىسى ەكەنىن ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ «قازگيدرومەت» ر م ك دە راستادى.
«قاراعاندى وبلىسى جايرەم كەنتى تۇرعىندارىنىڭ ۆيدەوسى بويىنشا تۇسىرىلگەن قۇبىلىس وراما بۇلتى (volutus) ەكەنىن حابارلايمىز. وراما بۇلتتار ءوز ءوسىن اينالىپ جۇرگەندەي اسەر قالدىراتىن تۇتىك ءتارىزدى ۇزىن، ادەتتە تومەن ورنالاساتىن، كولدەنەڭ بۇلت ماسساسى. وراما بۇلتتار باسقا بۇلتتارعا قوسىلماعان سوليتون جانە جەر اتموسفەراسىنداعى تولقىنداردىڭ بۇزىلۋىنىڭ مىسالى بولىپ تابىلادى. بۇل ءتۇر نەگىزىنەن قاباتتى كۋمۋلونيمبۋسقا جانە سيرەك جاعدايلاردا جوعارى ساۋلەلى بۇلتتارعا ءتان. مۇنداي بۇلتتار سۋىق اۋانىڭ سۋىق اۋا اعىندارىنان شىعۋى ناتيجەسىندە پايدا بولادى. وتە سيرەك كەزدەسەتىن، ءبىراق بۇلتتاردىڭ ەرەكشە تۇرلەرىنىڭ ءبىرى» ، - دەپ حابارلادى «قازگيدرومەت» ر م ك.