جەكە تۇلعالارعا سالىقتىق راقىمشىلىق جاسالادى - مينيستر
«وزدەرىڭىز بىلەتىندەي، 2019 -جىلى ەلىمىزدە سالىقتىق راقىمشىلىق جاسالعان بولاتىن. ياعني جەكە تۇلعالارعا نەگىزگى قارىز وتەلگەن جاعدايدا ءوسىمپۇلدارى كەشىرىلدى. بۇل شارا راقىمشىلىق سالىقتىڭ بارلىق ءتۇرىن قامتىدى. سونىڭ ناتيجەسىندە ءبىزدىڭ ەلدەگى 750 مىڭ ادامنىڭ جالپى سوماسى 3 ميلليارد تەڭگەلىك ءوسىمپۇلى كەشىرىلدى. بيىل جەكە تۇلعالار ءۇشىن سالىقتىق راقىمشىلىق ۇزارتىلدى. وسى جىلدىڭ 2-شىلدەسىندە ءتيىستى زاڭ قابىلداندى. ول سالىقتىڭ ءۇش ءتۇرىن قامتيدى. اتاپ ايتقاندا مۇلىككە سالىنعان سالىق، جەر سالىعى جانە كولىك قۇرالدارى بويىنشا سالىق»، - دەدى رۋسلان دالەنوۆ و ك ق- دا وتكەن باسپا ءسوز ءماسليحاتىندا.
ءمينيستردىڭ ايتۋىنا قاراعاندا، مۇنداعى شارت - سالىق تولەۋشى جەكە تۇلعانىڭ 2020 -جىلدىڭ 1 -ساۋىرىندەگى جاعداي بويىنشا ءوسىمپۇلى بولۋى كەرەك.
«نەگىزگى قارىز وتەلگەن جاعدايدا ءوسىمپۇل كەشىرىلەدى. سونىمەن قاتار ءوسىمپۇلى كەشىرىلۋى ءۇشىن ازاماتتارعا ءوتىنىش جازۋدىڭ كەرەگى جوق. ءوسىمپۇل سالىق ورگاندارىنىڭ ەسەپتىك جۇيەسىنەن اۆتوماتتى تۇردە وشىرىلەدى»، - دەدى ول.