بيلل گەيتس كوروناۆيرۋستى انىقتايتىن تەستتەردى سىنعا الدى

نۇر-سۇلتان. قازاقپارات - Microsoft كومپانياسىنىڭ نەگىزىن قالاۋشى بيلل گەيتس ا ق ش-تاعى كوروناۆيرۋستى انىقتايتىن تەستتەردى سىنعا الىپ، تالداۋ جۇرگىزۋگە كەتەتىن ۋاقىتقا بايلانىستى ونىڭ ءمانى جوق ەكەنىن ايتتى.

گەيتس بۇل تۋرالى CNBC تەلەارناسىنا بەرگەن سۇحباتىندا ايتتى، - دەپ حابارلايدى ريا نوۆوستي.

«قازىر ءسىز تەستتىڭ ناتيجەسىن ءۇش كۇن، كەيدە ءبىر اپتاداي كۇتەسىز جانە ول ءۇشىن سىزگە ەشكىم ءبىر دوللار دا تولەمەيدى. بۇل سۇمدىق. ءسىز باسقا ادامدارعا ينفەكسيا جۇقتىرماۋ ءۇشىن تەست ناتيجەسىن از ۋاقىتتا الۋىڭىز كەرەك»، - دەيدى گەيتس.

بيلل گەيتستىڭ سوزىنشە، ا ق ش-تىڭ قازىرگى تەستىلەۋ جۇيەسىنىڭ ماعىناسى جوق - «قۇرى ۋاقىت جوعالتۋ مەن اقشا شاشۋ». سونداي-اق كاسىپكەر تەست جاعدايى تومەن وتباسىلارعا ءتيىمدى بولۋى كەرەگىن ايتتى.

كوروناۆيرۋسقا قارسى ۆاكسينانى جاساۋعا دەمەۋشىلىك كورسەتىپ جۇرگەن بيلل گەيتس پاندەميا باستالعالى امەريكالىق ب ا ق وكىلدەرى اراسىندا COVID-19 بويىنشا ساراپشى اتانعان. تەلەارناعا بەرگەن سۇحباتىندا كاسىپكەر جىل سوڭىنا قاراي قاجەت پرەپاراتتاردى تاڭداۋ اۋرۋدان بولاتىن ءولىم-ءجىتىمدى ازايتۋعا مۇمكىندىك بەرەتىنىن ايتتى