ح ق ك و-داعى ۇزىن-سونار كەزەكتىڭ سەبەبى ايتىلدى

نۇر-سۇلتان. قازاقپارات - ەلورداداعى مامانداندىرىلعان حالىققا قىزمەت كورسەتۋ ورتالىعىنىڭ باسشىلىعى كارانتين كەزىندەگى ۇزىن-سونار كەزەككە قاتىستى ءمان-جايدى ايتىپ بەردى، دەپ حابارلايدى قازاقپارات ءتىلشىسى.

«بۇگىندە كوروناۆيرۋس جاعدايىنا جانە ءبىزدىڭ جۇمىس ۋاقىتىمىزدىڭ قىسقارتىلۋىنا بايلانىستى كەزەك ماسەلەسى وزەكتى بولىپ تۇر. كارانتينگە بايلانىستى قازىر ساعات 09:00 دەن 15:00 گە دەيىن عانا جۇمىس ىستەيمىز. ح ق ك و- نىڭ قىزمەتىنە جۇگىنۋشىلەردىڭ سانى وتە كوپ، وسىعان بايلانىستى قىزمەتكەرلەرىمىزدىڭ سانىندا ارتتىردىق. بۇعان قىزمەتتى كەزەكپەن الدىن الا برونداۋ ارقىلى عانا الۋ مۇمكىن بولدى، ەندى كەلۋشىلەردىڭ سانى كوپ بولۋىنا بايلانىستى تىكەلەي كەلگەندەردى دە قابىلدان جاتىرمىز. وزدەرىڭىز كورىپ تۇرعاندارىڭىزداي تۇتىنۋشىلار وتە كوپ»، - دەدى نۇر-سۇلتان قالاسى مامانداندىرىلعان حالىققا قىزمەت كورسەتۋ ورتالىعىنىڭ ءبولىم باسشىسى داۋلەت دۇيسەنبەكوۆ.

ءبولىم باسشىسىنىڭ ايتۋىنشا، مامانداندىرىلعان حالىققا قىزمەت كورسەتۋ ورتالىعىنداعى قازىرگى باستى ماسەلە جۇمىس ۋاقىتىنىڭ ازدىعىنان ۇلگەرمەۋشىلىك.

«بىزدە ونلاين كەزەككە تۇرۋ بويىنشا دا پروبلەما تۋىندادى. بۇرىن ءبىر ادام 10 كۇنگە دەيىن كەزەكتى الدىن الا برونداپ قوياتىن. ۋاقىت وتە كەلە مۇنىڭ تيىمسىزدىگىن بايقاپ، ەندىگى ۋاقىتتا ءبىر ادام ءبىر كۇنگە عانا كەزەك برونداي الاتىن قىلدىق. ال ەگەر قىزمەتتى سول كۇنى الماسا، ەرتەڭگى كۇنگە قايتا كەزەككە تۇرۋ كەرەك بولادى. وسى شارادان كەيىن حالىققا قىزمەت كورسەتۋ ورتالىعىنىڭ جۇمىسى ءبىرقالىپقا تۇسە باستادى. برونسىز قىزمەت الۋ مۇمكىندىگىن جاساعان سوڭ كەلۋشىلەردىڭ سانى دا ارتتى. قازىر كۇنىنە 1400-1500 گە دەيىن قۇجات قابىلداۋدامىز، ال بۇعان دەيىن كۇنىنە 600-700 قۇجات قابىلدايتىنبىز. مۇنىڭ كەرى اسەرى دە بار. ويتكەنى ءبىزدىڭ قىزمەتكەرلەرىمىز ۇلگەرمەۋىمەن قاتار اۋىرىپ قالىپتا جاتىر. وسى كۇنگە دەيىن 35 قىزمەتكەر اۋرۋىپ، قايتا جۇمىسقا قوسىلدى»، - دەدى ول.

بۇعان دەيىن ق ر سىبايلاس جەمقورلىققا قارسى ءىس- قيمىل اگەنتتىگى تاراپىنان حقكو- نىڭ جۇمىسىنا قاتىستى شاعىمنىڭ كوپتەپ ءتۇسىپ جاتقاندىعىن حابارلاعان بولاتىنبىز. جەمقورلىقپەن كۇرەس ورگاندارى مامانداندىرىلعان ح ق ك و- نى تەكسەرەدى. سونداي-اق، ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ مىندەتىن اتقارۋشى، ءبىرىنشى ۆيتسە- مينيستر باعدات مۋسين مامانداندىرىلعان حالىققا قىزمەت كورسەتۋ ورتالىقتارىعادى جەمقورلىقپەن كۇرەستىڭ جاڭا ءتاسىلىن ۇسىندى.

اۆتور: ءالي يبرايەۆ