كۇشتى جەل، جاۋىن، بۇرشاق - سارسەنبىگە ارنالعان اۋا رايى بولجامى

نۇر-سۇلتان. قازاقپارات - سينوپتيكتەردىڭ بولجاۋىنشا سارسەنبى ەلىمىزدە اۋا رايى قۇبىلمالى بولادى، دەپ حابارلايدى قازاقپارات قازگيدرومەتكە سىلتەمە جاساپ.

«29 - شىلدەدە قازاقستان اۋماعىنىڭ باسىم بولىگىندە اتموسفەرالىق اعىنداردىڭ وتۋىنە بايلانىستى نايزاعايلى جاڭبىر، سولتۇستىك-باتىستىڭ كەي جەرلەرىندە قاتتى نوسەر جاۋادى. تەك ەلىمىزدىڭ باتىسىندا جانە وڭتۇستىگىندە انتيتسيكلون جوتاسىنىڭ اسەرىنەن كۇن رايى اشىق بولادى. رەسپۋبليكانىڭ كەي جەرلەرىندە جەل كۇشەيىپ، داۋىل سوعۋى، بۇرشاق جاۋۋى مۇمكىن. ەلىمىزدىڭ سولتۇستىگىندە تۇمان ءتۇسۋى ىقتيمال»، دەلىنگەن اۋا رايى بولجامىندا.

سولتۇستىك قازاقستان وبلىسىنىڭ كەي جەرلەرىندە داۋىل سوعادى، بۇرشاق جاۋىپ، جەل كۇشەيەدى، جىلدامدىعى 15-20 م/س، تۇندە جانە تاڭەرتەڭ كەي جەرلەرىندە - تۇمان ءتۇسۋى مۇمكىن.

پاۆلودار، قاراعاندى، شىعىس قازاقستان وبلىسترىنىڭ كەي جەرلەرىندە - داۋىل سوعادى، بۇرشاق جاۋىپ، جەلدىڭ كۇشەيۋى مۇمكىن.

جەلدىڭ جىلدامدىعى 15-20 م/س، پاۆلودار، قاراعاندى وبلىستارىندا ەكپىنى 23-28 م/س جەتەدى.

الماتى، جامبىل، قىزىلوردا وبلىستارىنىڭ كەي جەرلەرىندە جەل 15-20 م/س كۇشەيەدى.

كۇندىز قوستاناي وبلىسىنىڭ كەي جەرلەرىندە داۋىل سوعادى، بۇرشاق جاۋادى جەلدىڭ كۇشەيىپ، جىلدامدىعى 15-20 م/س جەتەدى، تۇندە جانە تاڭەرتەن تۇمان ءتۇسۋى مۇمكىن.

اقمولا وبلىسىندا تۇندە جانە تاڭەرتەڭ كەي جەرلەردە تۇمان تۇسەدى.

كۇندىز اتىراۋ وبلىسىندا، باتىس قازاقستان، اقتوبە وبلىستارىنىڭ وڭتۇستىگىندە قاتتى ىستىق بولادى.

اتىراۋ، قىزىلوردا وبلىستارى، اقتوبە، تۇركىستان وبلىستارىنىڭ باسىم بولىگىندە، باتىس قازاقستان وبلىسىنىڭ كەي جەرلەرىندە، جامبىل، قاراعاندى، الماتى وبلىستارىنىڭ كەي جەرلەرىندە توتەنشە ءورت قاۋىپى ساقتالادى.