امەريكالىق ەكى كومپانيا كوروناۆيرۋسقا قارسى ۆاكتسينانى تەستىلەۋدىڭ شەشۋشى كەزەڭىنە كوشتى
شەشۋشى كەزەڭدەگى تەستىلەۋ ۆاكتسينانىڭ قاۋىپسىزدىگى مەن COVID-19-دىڭ الدىن الاتىنىن انىقتاۋعا ارنالعان. ەگەر ءبارى ءساتتى وتسە، ۆاكتسينا جىلدىڭ اياعىندا قولدانىسقا ەنۋى مۇمكىن. ءداستۇرلى ۆاكتسينا ءوندىرۋ تاسىلدەرىمەن سالىستىرعاندا بۇل ۆاكتسينا جىلدام دايىندالىپ، وندىرىلەتىن جاڭا تەحنولوگيامەن جاسالدى. ر ن ق نەمەسە سينتەتيكالىق رنق دانەكەرى يممۋندىق جۇيەگە كوروناۆيرۋستى تانىپ، بەيتاراپتاندىرۋدى ۇيرەتەدى. بۇرىن سوڭدى نارىققا ۆاكتسينا شىعارىپ كورمەگەن Moderna كومپانياسى ا ق ش ۇكىمەتىنەن 1 ميلليارد دوللار الدى. ال Pfizer- دە ا ق ش ۇكىمەتىمەن كەلىسىم بار. ەگەر ۆاكتسينانىڭ تيىمدىلىگى دالەلدەنسە، ولار 2 ميلليارد دوللار تۇراتىن 50 ميلليون ۆاكتسينانى ساتادى.
قازىرگى كۇنى كوروناۆيرۋسقا قارسى 150 دەن استام ۆاكتسينا ءتۇرلى جاسالۋ كەزەڭدەرىندە جانە جيىرماعا جۋىق ۆاكتسينا ادامدارعا سالىنىپ، تەكسەرۋدەن ءوتىپ جاتىر. Johnson Johnson كومپانياسى وسى اپتادا كلينيكالىق سىناقتى باستايدى. ال ۆاكتسينانى اۋقىمدى زەرتتەۋدى قىركۇيەكتە باستاۋى مۇمكىن. بريتانيالىق ءدارى شىعارۋشى AstraZeneca ۆاكتسيناسىن كەڭ كولەمدى سىناقتان وتكىزۋ بيىل جازدا باستالاتىنىن مالىمدەدى. بۇل ۆاكتسينا وكسفورد ۋنيۆەرسيتەتى زەرتتەۋشىلەرىمەن بىرلەسىپ دايىندالىپ جاتىر.
وندىرۋشىلەر الەمگە كەڭ تاراپ جاتقان ۆيرۋستى تەزىرەك جەڭۋگە تىرىسىپ جاتىر. الەمدە COVID-19-دان 650000 عا جۋىق ادام قايتىس بولدى. Pfizer- ءدىڭ مالىمدەۋىنشە، سىناق ءساتتى ءوتىپ، ۆاكتسينا قازاندا ماقۇلدانسا، كومپانيا جىل سوڭىندا 50 ميلليون ناۋقاسقا ەكى دوزا كولەمىندە ۆاكتسينا ەگەدى. 2021 -جىلدىڭ سوڭىندا Pfizer 1,3 ميلليارد دوزا الۋدى جوسپارلاپ وتىر، ال Moderna شامامەن 500 نەمەسە 2021 -جىلدان باستاپ جىلىنا 1 ميلليارد دوزادان الادى. Reuters ءتىڭ حابارلاۋىنشا، وسى اپتادا امەريكالىق بيرجاداعى Moderna اكتسيالارى %9 عا وسكەن. Pfizer اكتسيالارىنىڭ ءوسىمى %1,6 دى قۇرادى، ال ونىڭ ۆاكتسينا جاساپ شىعارعان سەرىكتەسى BioNTech اكتسيالارى %4,2 عا ءوستى.