قولما-قول اقشاسىز وپەراتسيالاردىڭ كولەمى ەكى ەسەگە ۇلعايدى

نۇر-سۇلتان. قازاقپارات - ساۋدا جانە ينتەگراتسيا ءمينيسترى باقىت سۇلتانوۆ قازاقستاندا قولما- قول اقشاسىز وپەراتسيالاردىڭ كولەمى ەكى جارىم ەسەگە ۇلعايعانىن ءمالىم ەتتى، دەپ حابارلايدى قازاقپارات ءتىلشىسى.

«كارانتين كەزىندە ونلاين ساۋدا مەن تولەم وپەراتسيالارىن جۇرگىزۋدىڭ ۇلعايۋى بايقالدى. ۇلتتىق بانكتىڭ مالىمەتتەرىنە سايكەس 2020-جىلعى 1- مامىرداعى جاعداي بويىنشا ەلدەگى قولما-قول اقشاسىز وپەراتسيالاردىڭ كولەمى 2,5 ەسەگە ۇلعايىپ، شامامەن 7,5 تريلليون تەڭگەنى قۇراعان. بۇرىن قويىلعان مىندەت 2025-جىلعا قاراي جالپى بولشەك ساۋداداعى ەلەكتروندىق ساۋدانىڭ ۇلەسىن  كە دەيىن جەتكىزۋ بولدى. الايدا كارانتيننىڭ قازىرگى جاعدايىندا ءبىز ونلاين ساتىپ الۋلاردا ەلەۋلى ءوسىمدى بايقاپ وتىرمىز، ول ءبىزدى بيىلدىڭ وزىندە 2025-جىلدىڭ ماقساتتى كورسەتكىشىنە جاقىنداتىپ جىبەردى»، - دەدى باقىت سۇلتانوۆ ۇكىمەت وتىرىسىندا.

مينيستر ەلەكتروندى ساۋدانى دامىتۋ قارقىنىن ساقتاۋ جونىندەگى جۇمىس جالعاساتىنىن جەتكىزدى.

«وسىلايشا ءبىز ساۋدانى دامىتۋدىڭ 2021-2025 مەملەكەتتىك باعدارلاماسىندا كورسەتىلەتىن 2025-جىلعا قاراي ەلەكتروندىق ساۋدا ۇلەسىنىڭ نىسانالى كورسەتكىشىن  كە دەيىن قايتا قاراۋدى باستادىق»، - دەدى ول.