كارانتين شارالارىنىڭ جەڭىلدەۋى: قوعامدىق كولىكتە كوندۋكتور بولۋى قاجەت
11:29, 28 - شىلدە 2020
نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي تۇرعىنداردىڭ كوشەدە قانداي تالاپتاردى ساقتاۋى قاجەتتىگىن ءتۇسىندىردى، دەپ حابارلايدى قازاقپارات ءتىلشىسى.
«سپورتپەن اينالىسۋ فورماتىنا قاتىستى، الەۋمەتتىك قاشىقتىقتى ساقتاي وتىرىپ، اشىق اۋادا جەكە جانە توپتىق جاتتىعۋلارعا رۇقسات ەتىلەدى. سونداي-اق، ۇلتتىق قۇرامالار ءۇشىن 30 ادامنان اسپايتىن سپورتتىق جاتتىعۋلارعا رۇقسات بەرىلەدى»، - دەپ اتاپ ءوتتى مينيستر بۇگىنگى ۇكىمەت وتىرىسىندا.
مينيستر حالىقتىڭ كوشەدەگى قوزعالىسىنا قاتىستى مىناداي تالاپتار ساقتالاتىنىن ايتتى.
«كوشەگە، ساياباقتارعا، سكۆەرلەرگە جانە جاعالاۋعا بارعاندا 3 ادامنان ارتىق توپتاسۋعا بولمايدى. قوعامدىق كولىكتىڭ جۇمىسى ۋاقىت پەن جولاۋشىلار سانىن P شەكتەي وتىرىپ، ماسكالىق، سانيتارلىق-دەزينفەكتسيالىق رەجيمدى ساقتاۋدى جانە كوندۋكتورلاردىڭ بولۋىن مىندەتتەۋ ارقىلى قايتا جاندانادى»، - دەدى الەكسەي سوي.