قازاقستاندا قۇربان شالۋعا ونلاين تۇردە تاپسىرىس بەرەتىن سايت جۇمىسىن باستادى
بۇعان دەيىن ەلىمىزدەگى ەپيدەميولوگيالىق احۋالعا بايلانىستى قۇربان شالۋعا ونلاين تۇردە تاپسىرىس بەرەتىن سايتتىڭ اشىلاتىنى تۋرالى حابارلانعان بولاتىن.
قازاق جانە ورىس تىلدەرىندە قىزمەت كورسەتەتىن جاڭا سايتتىڭ كومەگىمەن ەل تۇرعىندارى ونلاين تۇردە قۇرباندىق مالىن تاڭداپ، تولەم جاساپ، كەيىن قالاسا فوتو جانە بەينە ەسەبىن سۇراتا الادى.
سونداي-اق سايتتا قۇربان شالۋعا قاتىستى شاريعات جانە ءپاتۋا ءبولىمى ماماندارى دايىنداعان سۇراق-جاۋاپ تا بار.
قۇربان شالۋعا ونلاين تۇردە قالاي تاپسىرىس بەرۋگە بولاتىنىن سايتتىڭ وزىنە كىرىپ بىلۋگە بولادى.
ەسكە سالا كەتسەك، بۇعان دەيىن قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى 31- شىلدە كۇنى قازاقستان مەشىتتەرىندە قۇربان ايت نامازى وقىلمايتىنىن حابارلاعان ەدى.
«ەلىمىزدەگى كارانتين مەرزىمى 2- تامىزعا دەيىن ۇزارتىلعاندىقتان، رەسپۋبليكا بويىنشا مەشىتتەر جابىق بولادى. وسىعان بايلانىستى 31- شىلدە كۇنى قۇربان ايت نامازى وقىلمايدى»، - دەدى باس ءمۇفتي ورتالىق كوممۋنيكاتسيالار قىزمەتىندە.
سونىمەن قاتار باس ءمۇفتي ونلاين شالىنعان قۇربان ەتتەرىن مۇقتاجدارعا تاراتۋعا ۆولونتەرلەردى شاقىردى.