قىتايدا كوروناۆيرۋس جۇقتىرعاندار سانى قايتا ارتا باستادى

الماتى. قازاقپارات - قىتايدا ناۋرىزدىڭ باسىنان بەرى COVID-19 جۇقتىرعانداردىڭ رەكوردتىق كورسەتكىشى تىركەلدى، - دەپ حابارلايدى Reuters.

باسىلىمنىڭ حابارلاۋىنا قاراعاندا، 26-شىلدەدە 61 ادام كوروناۆيرۋس جۇقتىرعان. 61 جاعدايدىڭ 57 سى ەل ىشىندە (شىڭجان- ۇيعىر اۆتونوميالىق اۋدانىندا 41 ادام، لياونين پروۆينسياسىندا 14 ادام جانە جيلين پروۆينسياسىندا 2 ادام)، ال قالعان تورتەۋى باسقا ەلدەردە جۇقتىرعان. سونداي-اق، ەلدە 44 سيمپتومسىز تاسىمالداۋشى تىركەلگەن.

قىتايدا جالپى 83891 ادام كوروناۆيرۋس جۇقتىرعان، 4634 ناۋقاس قايتىس بولعان جانە 78918 ادام اۋرۋدان ايىققان.