مەديتسينالىق ساقتاندىرۋ قورى كوروناۆيرۋسپەن كۇرەسكە قانشا قاراجات ءبولدى

نۇر-سۇلتان. قازاقپارات - «الەۋمەتتىك مەديتسينالىق ساقتاندىرۋ قورى» ك ە ا ق باسقارما ءتوراعاسى بولات توكەجانوۆ م ء ا م س جۇيەسىنىڭ كوروناۆيرۋس ينفەكسياسىمەن كۇرەستەگى جۇمىسى تۋرالى ەسەپ بەردى، دەپ حابارلايدى قازاقپارات ءتىلشىسى.

«پاندەميا كەزىندە دەنساۋلىق ساقتاۋ جۇيەسىنىڭ بارلىق رەسۋرسى كوروناۆيرۋس پەن پنيەۆمونياعا قارسى كۇرەس شارالارىنا باعىتتالدى. مەديتسينالىق ۇيىمدار شۇعىل قايتا بەيىمدەلدى. مىڭداعان مەديتسينالىق قىزمەتكەرلەر ەلىمىزدىڭ اۋرۋحانالارى مەن ەمحانالارىندا تاۋلىك بويى ۆاحتالىق جۇمىسقا اۋىستى. وسى ينفەكتسيانى ەمدەۋ جانە ىندەتتىڭ الدىن الۋ جۇمىستارىن قارجىلاندىرۋ ىسىنە مەديتسينالىق ساقتاندىرۋ قورى جاۋاپتى بولدى. قور مەديتسينالىق كومەك پەن ينفراقۇرىىلمدى ۇيىمداستىراتىن دەنساۋلىق ساقتاۋ مينيسترلىگىمەن جانە جەرگىلىكتى اتقارۋ ورگاندارىمەن تىعىز بايلانىس ورناتىپ، جەتكىزۋشى مەكەمەلەلەر الدىنداعى مىندەتتى مۇمكىندىگىنشە ۋاقىتىندا ورىندادى»، - دەدى سپيكەر ورتالىق كوممۋنيكاتسيالار قىزمەتىندە وتكەن ونلاين بريفينگتە.

ونىڭ ايتۋىنشا، كوروناۆيرۋسقا قارسى كۇرەس شارالارىنا جالپى 56,7 ميلليارد تەڭگە ءبولىندى. حالىققا كومەك كورسەتۋ ءۇشىن 630 مەكەمەمەن شارت جاسالدى. مەديتسينالىق كومەك پەن ستاتسيونارلارداعى ەم ءۇشىن - 13,4 ميلليارد تەڭگە، قاۋىپتى ايماقتاردا جۇمىس ىستەگەن مەديتسينالىق قىزمەتكەرلەرگە ۇستەمەاقى تولەۋگە - 38,1 ميلليارد تەڭگە، پ ت ر دياگنوستيكاعا - 5,2 ميلليارد تەڭگە قاراستىرىلعان.

«ءبىرىنشى كەزەكتە تۇرعان ماڭىزدى مىندەتتەردى جەدەل ورىنداۋ ءۇشىن رەسپۋبليكالىق كوميسسيا سانيتارلىق- ەپيدەميولوگيالىق سالاماتتىق سالاسىنداعى ۋاكىلەتتى ورگانمەن كەلىسە وتىرىپ، وڭىرلەردەگى دەنساۋلىق ساقتاۋ باسقارمالارىنىڭ تىزبەسى بويىنشا مەديتسينالىق قىزمەت كورسەتەتىن مەكەمەلەرمەن تىكەلەي شارت جاساۋ تۋرالى شەشىم قابىلداندى. قور ماۋسىم ايىنىڭ سوڭىندا جەتكىزۋشى مەكەمەلەلەرگە كورسەتىلگەن قىزمەتتەر مەن قاۋىپتى ايماقتا جۇمىس ىستەگەن مەديتسينا قىزمەتكەرلەرىنە 44 ميلليارد تەڭگە تولەدى. بۇل قارجى - بولىنگەن جالپى سومانىڭ 75 پايىزدان استامى»، - دەدى ب. توكەجانوۆ.

اۆتور: ايجان سەرىكجان قىزى