پەدوفيلدى ۇستاعان پوليتسيا قىزمەتكەرى «ايبىن» وردەنىمەن ماراپاتتالدى
بۇل تۋرالى قازاقپارات ءى ءى م باسپا ءسوز قىزمەتىنە سىلتەمە جاساپ حابارلايدى.
«قىزمەتتىك مىندەتىن اتقارۋ كەزىندە باتىلدىق پەن قايسارلىق كورسەتكەنى ءۇشىن ىشكى ىستەر مينيسترلىگى الماتى قالالىق پوليتسيا دەپارتامەنتىنىڭ تۇركسىب اۋداندىق پوليتسيا باسقارماسىنىڭ جەدەل ۋاكىلى - باقىتجان انۋاربەك ۇلى باكىروۆ Ⅱ دارەجەلى «ايبىن» وردەنىمەن ماراپاتتالسىن»، - دەلىنگەن جارلىق ماتىنىندە.
ەستەرىڭىزگە سالا كەتەيىك، وقيعا 11- شىلدەدە تۇركسىب اۋدانىندا جەكە ۇيلەر الابىندا بولعان.
تۇستە كۇدىكتى پوكروۆسكايا كوشەسىندە ورنالاسقان ۇيلەردىڭ بىرىنە كىلتتى تاڭداۋ اقىلى كىرگەن. ۇيدە 2 بالا - ءتورت جاستاعى ۇل بالا مەن ونىڭ 15 جاستاعى اپكەسى بولعان.
قاسكوي پىشاقپەن قورقىتىپ، 17 مىڭ دوللاردى يەمدەنىپ، سودان كەيىن قىزدى قورلاعان. كەيىن ءال-فارابي داڭعىلىنداعى ۇيدە جاسىرىنعان كۇدىكتى پوليتسيادان قاشىپ تۇرعىن ءۇيدىڭ جوعارعى قاباتىنان سەكىرىپ كەتكەن.
سول كەزدە مايور باقىتجان باكىروۆ ونىڭ ارتىنان بىرگە سەكىرىپ، قىلمىسكەردى قۋىپ جەتكەن.
وسى باتىلدىعى ءۇشىن باقىتجان باكىروۆتى ىشكى ىستەر ءمينيسترى ەرلان تۇرعىمبايەۆ «قۇقىق ءتارتىبىن قامتاماسىز ەتۋدە قوسقان ۇلەسى ءۇشىن» مەدالىمەن ماراپاتتاعان ەدى.