«پرەپاراتتاردى جوسپارلاۋ جانە ساتىپ الۋ ءۇشىن بارلىق نەگىزگى راسىمدەر جەڭىلدەتىلدى: ءدارى- دارمەكتى سەرتيفيكاتتاۋ مەرزىمى قىسقارتىلدى جانە پروتسەدۋرالار 1 ايدان 3 كۇنگە دەيىن جەڭىلدەتىلدى، ءبىر جولعى اكەلۋگە رۇقسات ءبىر تاۋلىك ىشىندە بەرىلەتىن بولدى. ال COVID-19 ەمدەۋگە ارنالعان جاڭا پرەپاراتتاردى تىركەۋ پروتسەدۋراسى 6 ايدان 2 ايعا دەيىن تەزدەتىلدى»، - دەپ حابارلادى مينيسترلىكتىڭ باسپا ءسوز قىزمەتى Telegram جەلىسىندە.
سونىمەن بىرگە، رەسەي مەن ءۇندىستانعا جاسالعان 6 اۋە رەيسى ارقىلى ءدارىحانالاردىڭ بولشەك ساۋدا جەلىسى 4 ميلليون قاپتاما دارىمەن قامتىلدى. ولاردىڭ قاتارىندا- ۆيرۋسقا قارسى جانە ىستىقتى تومەندەتەتىن پرەپاراتتار، انتيكواگۋليانتتار مەن انتيبيوتيكتەر جانە باسقا دا قاجەتتى زاتتار بار.
«ءدارى-دارمەكتەر وڭىرلەردەگى ءدارىحانالارعا بىركەلكى بولىنەدى جانە ءدارى-دارمەك قاجەتتىلىگىن وتەۋ ءۇشىن مۇنداي شارالار ۇنەمى ۇيىمداستىرىلاتىن بولادى. بارلىق وڭىرلەردە ءدارى- دارمەكپەن قامتۋ ءۇشىن ارنايى تۇراقتاندىرۋ قورلارى قۇرىلدى. ونىڭ ىشىندە الماتى قالاسىندا - 5 ميلليارد تەڭگە، نۇر-سۇلتاندا - 1,2 ميلليارد تەڭگە، شىمكەنتتە - 180 ميلليون تەڭگە، اقتوبە وبلىسىندا - 500 ميلليون تەڭگە، شىعىس قازاقستان وبلىسىندا - 250 ميلليون تەڭگە قور بار»، - دەيدى مينيسترلىك.