2020 -جىلعى 24 -شىلدەدە ۇلتتىق قاۋىپسىزدىك كوميتەتى شەكارا قىزمەتىنىڭ جامبىل وبلىسى بويىنشا دەپارتامەنتى شەكاراشىلارى پيلوتسىز ۇشۋ اپپاراتىن قولدانىپ، ەرىكتى جاساقتىڭ كومەگىمەن مەملەكەتتىك شەكارانى بۇزعان ادامدى تاۋىپ، ۇستادى. ءمان- جايدى انىقتاۋ بارىسىندا اتالمىش قىرعىز رەسپۋبليكاسىنىڭ ازاماتىن كىسى دەنساۋلىعىنا قاساقانا زيان كەلتىرگەنى ءۇشىن ىشكى ىستەر ورگاندارى ىزدەپ جاتقانى بەلگىلى بولدى. قازىرگى كەزدە مەملەكەتتىك شەكارانى زاڭسىز كەسىپ ءوتۋ فاكتىسى بويىنشا تەرگەۋ امالدارى ءجۇرىپ جاتىر.
21:15, 25 شىلدە 2020
قىرعىزستاندا قىلمىس جاساپ، قازاقستانعا قاراي قاشقان ازامات ۇستالدى
تاراز. قازاقپارات - جامبىل وبلىسىندا قىرعىزستانمەن شەكارادا كىسىنى جاراقاتتاعانى ءۇشىن ىزدەۋدە جۇرگەن ازامات شەكارانى زاڭسىز كەسىپ وتپەك بولدى، دەپ حابارلايدى قازاقپارات ۇلتتىق قاۋىپسىزدىك كوميتەتىنە سىلتەمە جاساپ.