كارانتين كەزىندە يممۋنيتەتتى قالاي نىعايتامىز
بۇل جايلى ەلوردا اكىمدىگىنە سىلتەمە جاساپ قازاقپارات حابارلايدى.
دارىگەردىڭ ايتۋىنشا، يممۋنيتەت اتادان- بالاعا گەن ارقىلى كەلەدى. تۋمىسىنان ءالسىز يممۋنيتەت بولسا، ونى كوتەرۋ مۇمكىن ەمەس. تەك بەرىلگەن يممۋنيتەتتى نىعايتىپ، ۇستاپ تۇرۋعا بولادى. يممۋنيتەتتى قالاي̆ ساقتاۋعا بولادى؟
«ەڭ اۋەلى زياندى ادەتتەردەن اۋلاق بولۋ، دارۋمەنگە باي ازىق- تۇلىكپەن تاماقتانۋ، سپورتپەن اينالىسۋ، 8 ساعاتتىق ۇيقى، سترەسكە بوي الدىرماۋ جانە جاقسى وي ويلاۋ. اعزا ءبىر- بىرىمەن تىعىز بايلانىستى. سول سەبەپتى سترەسس، قورقىنىش، ۇرەيدە يممۋنيتەتكە كەرى اسەر ەتەدى، وسىنى ۇمىتپاعان ءجون» ، - دەيدى ءمولدىر باقتىبايەۆا.
اۋرۋدان كەيىن يممۋنيتەتتى قالاي نىعايتا الامىز؟
«نەگىزىنەن ادام اعزاسىندا بەلگىلى ءبىر اۋرۋدان كەيىن انتيدەنەلەر قالىپتاسىپ، ەكىنشى اۋىرعان كەزدە كۇرەسەدى. كەي ۆيرۋس، ينفەكتسيالارعا اعزا توتەپ بەرە الادى. ادام جەلشەشەك، شەشەك سياقتى اۋرۋلارمەن اۋىرسا، يممۋنيتەت قالىپتاسىپ، ەكىنشى رەت اۋىرمايدى. ال COVID- تىڭ ەرەكشەلىگى - اعزادا انتيدەنە قالىپتاسپاۋى مۇمكىن، اۋىرعان ناۋقاستار قايتا جۇقتىرۋى ىقتيمال»، - ەكەنىن اتاپ ءوتتى دارىگەر.
يممۋنولوگتىڭ ايتۋىنشا، ادام اعزاسىن نىعايتۋ ءۇشىن دارۋمەندەر اسا قاجەت. ماسەلەن، D دارۋمەنى يممۋندىق كلەتكالارعا رەتسەپتور رەتىندە قاتىسادى. ونىڭ پايداسى وتە مول. ەلوردادا كۇن ساۋلەسى وتە از تۇسەدى. سوندىقتان جاز مەزگىلى بولسا دا، D ءۆيتامينى كورسەتكىشىن انىقتاپ ءىشۋ قاجەت. سينك، س دارۋمەنىن دە قولدانۋعا بولادى. بەلسەندى تاعام قوسپالارىنىڭ دا پايداسى بار. ءبىراق ءار دارۋمەندى كەرەكتى اناليز تاپسىرعاننان كەيىن، دارىگەردىڭ تاعايىنداۋىمەن عانا قابىلداۋ قاجەت.
يممۋنيتەتتىڭ ءتۇسىپ كەتۋىنە اسەر ەتەتىن قانداي فاكتورلار بار؟
«كوبىنە ينفەكتسيالىق، اللەرگيالىق ونكولوگيالىق، سوزىلمالى اۋرۋلاردان كەيىن ادام اعزاسى باياۋ قالپىنا كەلەدى. گورموندار قابىلدايتىن ناۋقاستار، پارازيتارلىق ينفەكتسيالار دا ادام يممۋنيتەتىن تەجەيدى. ادامنىڭ � يممۋنيتەتى اسقازان- ىشەك جولىندا. سوندىقتان اسقازان اۋرۋلارىن ەمدەپ، ونى قالپىنا كەلتىرۋ قاجەت. جانە تاعى ايتا كەتەتىن ماسەلە، دەنە قىزۋى 37 گرادۋس بولعان جاعدايدا اعزاعا ءوزى كۇرەسۋىنە مۇمكىندىك بەرۋ قاجەت. ءتورت كۇن باقىلاۋدا ۇستاۋ قاجەت، ەگەر قىزۋ تۇسپەيتىن بولسا عانا دارىگەرگە جۇگىنۋ قاجەت» ، - دەپ كەڭەس بەرەدى م. باقتىبايەۆا.
انتيبيوتيك قولدانعان سوڭ اعزانى قالاي قالپىنا كەلتىرۋگە بولادى؟
ونىڭ ايتۋىنشا، ەڭ اۋەلى انتيبيوتيك ۆيرۋستى ولتىرمەيتىنىن ءبىلۋ قاجەت. ول تەك باكتەريالدى ينفەكتسيالاردى جويادى. كوپ ناۋقاس قاجەتسىز قابىلدايدى. انتيبيوتيك ىشەكتەگى 5 جىلدا قالىپتاسقان ميكروفلورانى بۇزادى.
«سيمپتوم انىقتالعان سوڭ جاتۋ قاجەت. دارىگەردىڭ كومەگىنە جۇگىنۋ كەرەك. كوپ جىلى سۇيىقتىق، ءشوپ شاي̆ ءىشۋ كەرەك. مۇرىن مەن تاماقتى كۇنىنە 10-15 رەت شايقاپ، س دارۋمەنىن قابىلداۋ قاجەت. جانە سورپا، اشىتقان ءسۇت ونىمدەرى: قىمىز، شۇبات، ساۋمال ادام اعزاسىنا جاقسى اسەر ەتەدى»، - دەپ تۇيىندەدى دارىگەر.