بۇگىن، 24 -شىلدەدە الماتى قالاسىنىڭ تۇركسىب اۋداندىق سوتى تۇتىنۋشىلار قۇقىعىن قورعاۋ كوميتەتىنىڭ «بەك ەير» اق اۋەكومپانياسىنا قاتىستى ەكىنشى تالاپ- ارىزىن قاناعاتتاندىردى. كوميتەت اتالمىش كومپانيادان جاسالماعان رەيستەر ءۇشىن جولاۋشىلارعا بيلەت قۇنىن قايتارۋدى تالاپ ەتكەن بولاتىن. كوميتەت 81 ادامنىڭ مۇددەسىن قورعاپ (ساتىپ الىنعان 177 بيلەت)، سوتقا شاعىم تۇسىرگەن. تالاپ- ارىز 5,9 ميلليون تەڭگەنى قۇرادى.
ەسكە سالا كەتەيىك، سوتقا ەكىنشى تالاپ- ارىز 2020 -جىلعى 3-شىلدەدە بەرىلگەن. كوميتەتتىڭ تالابى مىناداي:
1. «بەك ەير» اق قىزمەتىن تۇتىنۋشىلاردىڭ كىناسىنسىز جويىلعان اۆيارەيستەرگە بۇرىن ساتىپ الىنعان بيلەتتەردىڭ تولىق قۇنىن وتەۋ قۇقىعىن تانۋ.
2. جاۋاپكەردى تۇتىنۋشىنىڭ كىناسىنسىز جويىلعان اۆيارەيستەرگە ساتىپ الىنعان بيلەتتەردىڭ تولىق قۇنىن وتەۋگە ماجبۇرلەۋ.
3. «بەك ەير» ا ق- نان تۇتىنۋشىلار پايداسىنا اۆيابيلەت ءۇشىن تولەنگەن سومانى ءوندىرىپ الۋ. سوت شەشىمى زاڭدى كۇشىنە ەنگەننەن كەيىن كوميتەت تۇتىنۋشىلارعا اقشانى تەز ارادا قايتارۋعا جاردەمدەسەدى.