امەريكالىقتار ءۇيىن نەگە قورشامايدى؟
امەريكالىقتار ءۇيىن قورشاي بەرمەيدى. ءبارى بىركەلكى، بار اينالاسى اشىق بولىپ كەلەدى. قورشاۋى بار ۇيلەر سيرەك.
«ءار ەلدىڭ سالتى باسقا، يتتەرى قارا قاسقا» دەمەكشى، بىزدەگى جانە ا ق ش تۇرعىندارىنىڭ مەنتاليتەتى مەن تۇسىنىگى ەكى باسقا. ۇقساستىق تا بار، ايىرماشىلىق تا جەتەرلىك. قورشاۋ قويماۋ دا مەنتاليتەتكە قاتىستى.
ا ق ش- تاعى قالالار دا بەلگىلى ءبىر اۋدانداردان قۇرالادى. ءۇيدى سالۋشىلار الدىمەن كىمدەرگە ساتاتىنىن، كىمدەر الاتىنى جايلى زەرتتەۋ جۇرگىزەدى. بىرەۋگە ول ۇيلەردىڭ باعاسى قولجەتىمدى بولسا، ەندى بىرەۋلەر ءۇشىن قىمبات بولارى انىق.
ءار اۋداننىڭ ۇيگە قاتىستى جەكە ەرەجەلەرى بار. جاڭا ۇيگە قونىس اۋدارىپ كەلگەندە ارنايى قۇجاتتارعا قول قوياسىڭ. وندا ءۇيىڭ قانداي بولۋى كەرەك جايلى ەرەجەلەر بولادى. ءتىپتى كەي جەرلەردە ەسىك الدىنداعى جاسىل جەلەكتىڭ بيىكتىگىنە دەيىن ارنايى تالاپتار قويىلادى.
اۋدانداعى شەكتەۋ ەرەجەلەرىن جالپى جينالىستا تۇرعىنداردىڭ ءوزى بەكىتەدى. سول كەزدە قورشاۋ ورناتىلمايتىنى، ورناتىلسا قانشا سانتيمەتردەن اسپايتىنى، ءۇيدىڭ ءتۇسى، قاي بەتىنە كونديتسيونەر ورناتۋ كەرەك دەگەن سەكىلدى ماسەلەلەر ايتىلادى. مۇنىڭ بارلىعى اۋداننىڭ اسەم بولۋى جانە ءۇي باعاسىنىڭ قۇلدىراماۋىنا اسەر ەتەدى.
سونداي-اق كوممۋنالدىق قىزمەتتىڭ دە ءوز تالاپتارى بولادى. ولار ءۇي يەلەرىن مازالاماي ەسەپتەۋىش قۇرالداردى تەكسەرىپ كەتۋى كەرەك. ودان وزگە قورشاۋ پوليتسەي، ءورت ءسوندىرۋشى جانە دارىگەرلەر وڭاي ۇيگە كىرە الۋ قاجەت.
ا ق ش- تا ۇيلەرى قورشالعان اۋداندار دا بار. ونىڭ بارلىعى سول اۋدانداعى جىلجىمايتىن مۇلىك باعاسى مەن ءومىر سۇرەتىن ادامدارعا بايلانىستى. ودان وزگە ءۇيدىڭ ارتى عانا قورشالعان اۋداندار دا بار. وندا وتباسىلىق مەرەكەلەر مەن جەكە شارۋالارىن اتقارادى.
massaget.kz