مۇناي-گاز سالاسىنداعى جاڭا كاسىپتەر اتلاسى ازىرلەنەدى
«قازاقستاننىڭ مۇناي-گاز سالاسىنداعى جاڭا كاسىپتەر مەن قۇزىرەتتەر اتلاسىن ازىرلەۋ بولاشاقتا سۇرانىسقا يە ماماندىقتار مەن داعدىلاردى انىقتاۋعا كومەكتەسەدى. نارىقتىڭ نەگىزگى قاتىسۋشىلارى ءۇشىن اقپاراتتىق قۇندىلىعى بار قاراپايىم قولدانبالى قۇرالعا اينالادى. مىسالى، جاڭا كاسىپ - smart-field جۇيەلەرىن ازىرلەۋشى، ول كومىرسۋتەكتەرىن ءوندىرۋ كورسەتكىشتەرىن ارتتىرۋ ماقساتىندا مۇناي قاباتىن باسقارۋعا مۇمكىندىك بەرەتىن باعدارلامالىق جانە تەحنيكالىق قۇرالدار كەشەنىن ازىرلەۋدى كوزدەيدى. بۇل - مۇناي-گاز سالاسىنداعى تاعى ءبىر جاڭا كاسىپ «بولاشاق digital-تەحنولوگ» كەن ورىندارىنىڭ ومىرلىك تسيكلىنن باسقارۋدى اۆتوماتتاندىرۋدان تۇراتىن مۇناي-گاز سەكتورىنىڭ ترەندى»، - دەلىنگەن حابارلامادا.
اتلاس قازاقستاندىق ءبىلىم بەرۋ ۇيىمدارىنا (ۋنيۆەرسيتەتتەر، كوللەدجدەر) جانە مۇناي-گاز كومپانيالارىنا جاڭا ءبىلىم بەرۋ باعدارلامالارى مەن كاسىبي ستاندارتتاردى ازىرلەۋ بويىنشا بىرلەسكەن قادامداردى جاساۋعا مۇمكىندىك بەرەدى. تاراپتاردىڭ ىنتىماقتاستىعى ترەندتەردى جانە ولاردىڭ سالاداعى كاسىپتەردىڭ ترانسفورماتسياسىنا اسەرىن انىقتاۋعا، تاياۋداعى 10-15 جىلعا سۇرانىسقا يە كاسىپتەر مەن قۇزىرەتتەردى انىقتاۋعا، سونداي-اق كادرلاردى دايارلاۋعا مۇددەلى سالانىڭ نەگىزگى وقۋ ورىندارى مەن كاسىپورىندارىن كورسەتە وتىرىپ، جاڭا كاسىپتەردى جەرگىلىكتەندىرۋ باعدارلاماسىن ايقىنداۋعا مۇمكىندىك بەرەدى.