Clockster كومپانياسىنىڭ نەگىزىن قالاۋشى جانە ستارتاپ جەتەكشىسى ەرجان رىسقالييەۆتىڭ ايتۋىنشا، جوبا توبى ارنايى قۇرىلعىعا تاپسىرىس بەردى، ونى ەنگىزۋ سەرۆيسكە كەلۋشىلەردىڭ تەمپەراتۋراسىن جانە بەتپەردەنىڭ بولۋىن انىقتاۋعا مۇمكىندىك بەرەدى.
«جاڭا شەشىم ۇيىم قىزمەتكەرلەرىنىڭ دەنە قىزۋىن، بەتپەردەنىڭ بار- جوعىن اۆتوماتتى تۇردە انىقتايدى. جوعارى تەمپەراتۋرا بولعان جاعدايدا - دەرەكتەر اۆتوماتتى تۇردە بازادا ساقتالادى جانە جاۋاپتى تۇلعالارعا ەلەكتروندى مەكەنجاي بويىنشا حابار جىبەرىلەدى. سونداي- اق، دەنە قىزۋى بار ادامعا عيماراتقا وتۋگە تىيىم سالۋعا بولادى، ونداعى جۇيە قىزمەتكەردى تۋرنيكەت ارقىلى وتكىزبەيدى. بۇل بەتپەردەلەرگە دە قاتىستى» ، - دەيدى ە. رىسقاليەۆ.
قازىرگى ۋاقىتتا جاڭا جۇيە Astana Hub حالىقارالىق تەحنوپاركىندە ورناتىلعان جانە باسقا كومپانيالاردان 10 عا جۋىق الدىن الا تاپسىرىس تۇسكەن.
«بۇل سەرۆيس كوروناۆيرۋستىق ينفەكسيانىڭ تارالۋ قاۋپىن ازايتۋ ءۇشىن قۇرىلىس سەكتورى، اۋرۋحانالار، مەديتسينالىق مەكەمەلەر، مەكتەپتەر، ۋنيۆەرسيتەتتەر ءۇشىن وتە قولايلى. قازىر كوپتەگەن كومپانيالاردا كەلۋشىلەردىڭ تەمپەراتۋراسىن كۇزەتشىلەر تەكسەرۋدە. مۇندا ادام فاكتورى كوپ. كۇزەتشى كەي تەمپەراتۋرانى بايقاماۋى مۇمكىن جانە ارزان قۇرىلعىلار دا جالپى ءبىر گرادۋسقا دەيىن قاتەلىك جىبەرەدى. ياعني، ادامدا 37 گرادۋس تەمپەراتۋرا كورسەتكىشى بولسا، ونى 36 گرادۋس دەپ كورسەتۋى مۇمكىن. سونىمەن قاتار، ءبىزدىڭ قىزمەتىمىزدە كەلۋشىلەردىڭ تەمپەراتۋراسىن قولمەن جازۋدىڭ قاجەتى جوق. بىزدە بارلىعى تسيفرلانعان جانە اۆتوماتتاندىرىلعان، قوناقتاردىڭ كىرۋ/شىعۋ جازبالارىن كورۋگە بولادى»، - دەيدى ستارتاپ جەتەكشىسى.
قازىرگى ۋاقىتتا ستارتاپ قازاقستانمەن عانا شەكتەلمەي، رەسەي، ۋكراينا جانە فيليپپين نارىعىنا دا شىقتى. ايتا كەتەيىك، Clockster - Astana Hub IT- ستارتاپتار حالىقارالىق تەحنوپاركىنىڭ قاتىسۋشىسى. تەحنوپاركتىڭ بارلىق قاتىسۋشىلارى سالىق جەڭىلدىكتەرىن الادى. بۇل جەڭىلدىكتەر قاتىسۋشىلاردى كتس، ققس، تاۋار يمپورتتاۋداعى ققس، رويالتي سالىعى، جتس جانە دەربەس رەزيدەنتتەردىڭ الەۋمەتتىك سالىعىنان بوساتادى. وسىنداي مەملەكەتتىك قولداۋ شاراسى ءىت- كومپانيالارعا ءوز جوبالارىن دامىتۋعا، ۇنەمدەلگەن قاراجاتتى قايتا ينۆەستيتسيالاۋعا مۇمكىندىك بەرەدى.
«جەڭىلدىكتەردىڭ ارقاسىندا ءبىز تەك قىزمەتكەرلەر ءۇشىن زەينەتاقى اۋدارىمدارىن تولەيمىز. بۇل - وتە ۇلكەن كومەك. وتكەن جىلى ءبىز كوپ قاراجات ۇنەمدەدىك. ۇنەمدەگەن قاراجاتتى جوبانى دامىتۋعا ينۆەستيتسيالادىق، قىزمەتكەرلەردىڭ جالاقىسىن كوتەردىك»، - دەپ قورىتىندىلادى ەرجان رىسقاليەۆ.