بۇل تۋرالى دۇنيەجۇزىلىك بانكتىڭ قازاقستان بويىنشا جازعى ەكونوميكالىق بايانداماسىندا جازىلعان، - دەپ حابارلايدى Tengrinews.kz ءتىلشىسى.
باياندامادا COVID-19 پاندەمياسى قازاقستان ەكونوميكاسى ءۇشىن سوڭعى ەكى ونجىلدىقتىڭ ىشىندەگى ەڭ ءىرى ەكونوميكالىق سالدارعا اكەلگەنى جانە ونىڭ وسۋىنە ايتارلىقتاي كەرى اسەر ەتىپ جاتقانى جازىلعان.
«ۇزاق ۋاقىت بويى داعدارىستىڭ سالدارى قازاقستاندا كەدەيلىك پەن تەڭسىزدىك دەڭگەيىن جوعارىلاتۋى مۇمكىن. الدىن الا باعالاۋعا سۇيەنسەك، 2020-جىلى كەدەيلىك دەڭگەيى بولجانعان 8,3 تەن 12,7 پايىزعا جەتۋى مۇمكىن. بۇل 800 مىڭنان استام ادامنىڭ كەدەي ءومىر سۇرەتىنىن كورسەتەدى»، - دەلىنگەن حابارلامادا.
2019 جانە 2015-جىلدارى مۇناي باعاسىنىڭ تومەندەۋى جالپى سۇرانىستى ازايتقانى جانە قارجىلىق سەكتوردىڭ تۇراقتىلىعىنا نۇسقان كەلتىرگەنى اتالىپ وتكەن. ال وسى كەزەكتە پاندەمياعا بايلانىستى شەكتەۋ شارالارى ەكونوميكاعا قاتتى زاردابىن تيگىزدى.