كوروناۆيرۋسپەن كۇرەستە قاي وڭىرلەردە تومەن كورسەتكىش قالىپتاستى؟
12:31, 23 - شىلدە 2020
نۇر-سۇلتان. قازاقپارات - كوروناۆيرۋس ماسەلەلەرى جونىندەگى جەدەل شتاب وتىرىسىندا قاي وڭىرلەردىڭ كوروناۆيرۋسپەن كۇرەستى السىرەتىپ العانى ايتىلدى، دەپ حابارلايدى قازاقپارات.
ايتا كەتەيىك، بۇگىن ق ر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن COVID-19 ماسەلەلەرى جونىندەگى جەدەل شتابتىڭ وتىرىسى ءوتىپ، وندا مەملەكەتتىك ورگانداردىڭ كوروناۆيرۋسپەن كۇرەستە اتقارىپ جاتقان جۇمىستارى تىڭدالدى.
جيىندا جەدەل شتاب باتىس قازاقستان جانە قىزىلوردا وبلىستارىنىڭ اكىمدىكتەرىنىڭ جۇمىسى جەتكىلىكسىز ەكەنىن اتاپ ءوتتى.
دەنساۋلىق ساقتاۋ مينيسترلىگىنىڭ COVID-19-بەن كۇرەس بويىنشا وڭىرلەر رەيتينگىسىندە وسى وبلىستاردا ەڭ تومەن كورسەتكىش تىركەلگەن. سونداي-اق، پرەمەر-ءمينيستردىڭ ورىنباسارى سولتۇستىك قازاقستان اكىمدىگىنە قولدانىستاعى توسەك-ورىن قورىنىڭ جۇكتەمەسىن ازايتۋ بويىنشا جەدەل شارا قابىلداۋدى تاپسىردى.