فۋتبول: قازاقستان ۇلتتار ليگاسىندا العاشقى ويىنىن الماتىدا وتكىزەدى
08:16, 23 - شىلدە 2020
نۇر-سۇلتان. قازاقپارات - قازاقستان قۇراماسى فۋتبولدان 2020/2021-جىلعى ۇلتتار ليگاسىنداعى ءوز الاڭىندا بولاتىن العاشقى كەزدەسۋىن الماتىدا وتكىزەدى، دەپ حابارلايدى قازاقپارات ءتىلشىسى.
ەستەرىڭىزگە سالا كەتەلىك، قازاقستاندىق فۋتبولشىلار العاشقى تۋردا 4- قىركۇيەكتە ءوز الاڭىندا بەلارۋستى قابىلدايدى.
اتالعان ويىن الماتى قالاسىنداعى «ورتالىق» ستاديوندا بولادى دەپ جوسپارلانىپ وتىر. ۇلتتىق قۇراما بۇدان بۇرىن ءوز ويىندارىن وتكىزىپ جۇرگەن ەلورداداعى «استانا-ارەنا» ستاديونىندا جاساندى توسەنىش اۋىستىرىلۋدا.
ول قىركۇيەك ايىنا دەيىن دايىن بولماۋى مۇمكىن. قازاقستان قۇراماسى قىركۇيەك-قاراشا ايلارىندا ۇلتتار ليگاسىندا س ليگاسىنىڭ ءتورتىنشى توبىندا البانيا، بەلارۋس جانە ليتۆامەن شەبەرلىك بايقاسادى. سونداي-اق، قازاقستاندىق فۋتبولشىلار 11- قاراشادا سىرت الاڭدا چەرنوگوريامەن كەزدەسەدى.