قازاقستاندا ۆولونتەرلەردىڭ ىشىندە ك ۆ ي جۇقتىرعاندار بولدى ما
بۇل سۇراققا «ۇلتتىق ۆولونتەرلەر جەلىسى» ز ت ب ءتوراعاسى ۆەرا كيم جاۋاپ بەردى، دەپ حابارلايدى قازاقپارات ءتىلشىسى.
«توتەنشە جاعداي كەزىندە بارلىق ءىس- شارا قاجەتتى قاۋىپسىزدىك تالاپتارىن ەسكەرە وتىرىپ جۇرگىزىلدى. قازىر ءبىرجاقتى ايتۋ قيىن. ءبىزدىڭ كوماندادا جۇمىس ىستەگەن ەرىكتىلەردىڭ ەشقايسىسى اۋىرمادى. ءبىراق، ءبىزدىڭ دوستارىمىزدىڭ، سەرىكتەس ۇيىمداردىڭ اراسىندا كوروناۆيرۋس ينفەكسياسىن جۇقتىرعان ۆولونتەرلەردىڭ بار ەكەنىن بىلەمىن. ءبىراق ولار ەرىكتى قىزمەتىن كورسەتۋ كەزىندە ينفەكسيا جۇقتىردى ما، جوق پا - ايتۋ قيىن. ايتسە دە، ۆولونتەرلەردىڭ شىنىمەن دە ۆيرۋس جۇقتىرعانى راستالعان»، - دەدى ۆەرا كيم و ك ق ونلاين باسپا ءسوز ءماسليحاتىندا.
«ۇلتتىق ۆولونتەرلەر جەلىسى» ز ت ب ءتوراعاسى بىرلەستىكتىڭ 2010 -جىلى قۇرىلعانىن ايتادى. جەلى 80-گە تارتا ۆولونتەرلىك ۇيىمنىڭ باسىن بىرىكتىرەدى.
«توتەنشە جاعداي جاريالانعان كەزدە ءبىز قازاقستانداعى بارلىق ۆولونتەرلەردىڭ باستامالارىن بىرىكتىرىپ، سەنىم تەلەفونىن اشتىق. تۇرعىنداردىڭ مۇقتاجدىعى مەن تالاپتارىن ءبىلۋ ءۇشىن سەنىم تەلەفوندارى جۇمىسىن باستادى. وسى ۋاقىت ىشىندە ءبىزدىڭ ۆولونتەرلەر تۇرعىنداردان تۇسكەن قوڭىراۋلار بويىنشا جۇمىس جۇرگىزدى. ءبىزدىڭ سەنىم تەلەفونىمىزعا كوپ ادام ەرىكتىلەر قاتارىنا قوسىلۋ تۋرالى وتىنىشپەن حابارلاسىپ جاتتى»، - دەپ تولىقتىردى ۆ. كيم.