پەر دە كۋبەرتەن جاساعان وليمپيادا ساقينالارىنىڭ ءتۇپنۇسقا سۋرەتى اۋكتسيوندا ساتىلادى
پورتال دەرەكتەرىنە قاراعاندا، سۋرەت قۇنى 100 مىڭ ەۋروعا باعالانىپ وتىر. كەنەپكە سالىنعان بۇل سۋرەتتىڭ مولشەرى 21 دە 27,5 س م جانە كوك، سارى، قارا، جاسىل، قىزىل ءتۇستى.
ساقينالار ەۋروپا، ازيا، افريكا، امەريك، مەن اۋستراليانى بىلدىرەدى. بارلىق ساقينالار ءبىر-بىرىمەن بايلانىسقان جانە وليمپيادا ويىندارى رۋحىنىڭ جان-جاقتىلىعىنان حاباردار ەتەدى.
كۋبەرتەن ساقينالاردى 1913-جىلعى تامىزدا «وليمپيادالىق شولۋ» باسپاسىنا ۇسىنعان. ال بەس ساقينا بەينەلەنگەن جالاۋدى 1914-جىلعى حالىقارالىق وليمپيادالىق كوميتەت كونگرەسى كەزىندە جۇرتشىلىققا كورسەتۋ جوسپارلانعان ەدى.
ءبىراق ءبىرىنشى دۇنيەجۇزىلىك سوعىس سالدارىنان كەيىنگە قالدىرىلعان. جالاۋدى تەك 1920-جىلى انتۆەرپەندەگى وليمپيادا ويىندارىنىڭ سالتاناتتى اشىلۋ ءراسىمى الدىندا عانا كورسەتۋدىڭ ءساتى ءتۇستى.
2020-جىلى رەسەي بيزنەسمەنى اليشەر ۋسمانوۆ لوزانناداعى وليمپيادالىق مۋزەيگە پەرا دە كۋبەرتەن مانيفەسىنىڭ ءتۇپنۇسقاسىن سىيلادى.
ول 2019-جىلعى جەلتوقساندا Sotheby ʼs اۋكتسيونىندا 8 ميلليون 800 مىڭ دوللارعا ساتىلعان. سول كەزدە ونى ساتىپ العان كىم ەكەنى حابارلانبادى.
ايتا كەتكەن ءجون، حالىقارالىق وليمپيادالىق كوميتەتتىڭ نەگىزى كۋبەرتەننىڭ باستاماسىمەن 1894-جىلى قالانعان ەدى. ونىڭ العاشقى پرەزيدەنتى گرەك دەمەتريۋس ۆيكەلاس بولدى. ال كۋبەرتەن ۇيىمدى 1896-1916 جانە 1919-1925-جىلدارى باسقاردى. قازىرگى زامانعى ءبىرىنشى وليمپياادالىق ويىندار 1896-جىلى افينادا وتكىزىلدى.