ەلىمىزگە تاعى ءبىر توپ رەسەيلىك دارىگەر كەلدى

ماسكەۋ قالاسىنان كەلگەن ماماندار بريگاداسىن وبلىس اكىمى ارحيمەد مۇحامبەتوۆ قابىلدادى. ءوڭىر باسشىسى ماسكەۋ ءمەرى سەرگەي سوبيانينگە كورسەتىلگەن كومەك ءۇشىن العىس ايتتى. مۋلتيديستسيپلينارلىق مەديتسينالىق بريگادانى ن. ۆ. سكليفوسوۆسكي اتىنداعى ع ز ي توتەنشە جاعدايلاردا جۇمىس ىستەۋ ءۇشىن مامانداندىرىلعان مەديتسينالىق كومەك بريگاداسىنىڭ مەڭگەرۋشىسى ولەگ چەرنىش باسقارادى.

«بريگادانىڭ باستى ماقساتى - پاندەميا كەزىندە ءبىزدىڭ وبلىس اۋماعىنداعى ەپيدەميولوگيالىق جاعدايدى زەرتتەۋ. ماماندار جەرگىلىكتى دەنساۋلىق ساقتاۋ ورگاندارىمەن بىرلەسىپ، ك ۆ ي تارالۋىنىڭ الدىن الۋ بويىنشا ءىس- شارالاردى ازىرلەۋ. بريگادالار پروۆيزورلىق ورتالىقتارعا بارىپ، اۋرۋحانالاردى قايتا بەيىندەۋگە كومەكتەسىپ، پاتسيەنتتەردى قاراپ، ءار ءتۇرلى ماماندىقتاعى دارىگەرلەر ءۇشىن وقىتۋ سەمينارلارىن وتكىزەتىن بولادى. قۇرامىندا حيرۋرگ، انەستەزيولوگ- رەانيماتولوگ، پۋلمونولوگ، ينفەكتسيونيست، كارديولوگ، ەپيدەميولوگ، ك ت رەنتگەنولوگى، انەستەزيا مەيىربيكەسى جانە كوروناۆيرۋسى بار پاتسيەنتتەردى ەمدەۋدە تاجىريبەسى بار باسقا دا ماماندار بار»، - دەدى ايماق باسشىسى.

دارىگەرلەر ماسكەۋ قالالىق اۋرۋحاناسى، م. پ. كونچالوۆسكيي اتىنداعى اۋرۋحانا، كوممۋناركتەگى №40 جانە №67-اۋرۋحانا، ا. س. لوگينوۆ اتىنداعى م ك ع پ ورتالىعى، م. پ. كونچالوۆسكي اتىنداعى ورتالىق، №2-جۇقپالى اۋرۋلار اۋرۋحاناسى مەن №121-كلينيكالىق- دياگنوستيكالىق ەمحانادا جۇمىس ىستەيدى.