اتىراۋعا ۆەتنامنان گۋمانيتارلىق كومەك كەلدى

اتىراۋ. قازاقپارات - اتىراۋ وبلىسىنا قازاقستان پارلامەنتشىلەرىنىڭ ۆەتنامدىق ارىپتەستەرى جىبەرگەن 20 مىڭ دانا مەديتسينالىق ماسكا كەلدى، دەپ حابارلايدى قازاقپارات.

«قازاقستان پارلامەنتشىلەرى ۆەتنامدىق ارىپتەستەرىنەن گۋمانيتارلىق كومەك رەتىندە كەلگەن 20 مىڭ مەديتسينالىق ماسكانى اتىراۋ وبلىسىنا جىبەردى. ونى وبلىستىق دەنساۋلىق ساقتاۋ باسقارماسى قابىلداپ الدى. مەديتسينالىق ماسكالاردىڭ 10 مىڭ داناسى ەمحانالار مەن اۋرۋحانالارعا تاراتىلدى. ال، 10 مىڭ دانا ماسكا ۆولونتەرلەرگە بەرىلەدى»، - دەپ حابارلادى وڭىرلىك كوممۋنيكاتسيالار قىزمەتى.

ەسكە سالا كەتەلىك، بۇعان دەيىن اتىراۋعا قىتايدان گۋمانيتارلىق كومەك كەلگەن بولاتىن.