قازاقستاندا فۋتبولدان جازعى ترانسفەرلىك تىركەۋ كەزەڭى باستالدى

كوماندالار 20 شىلدەدەن باستاپ قازاقستان كاسىپقوي فۋتبول ليگاسىنىڭ جارىستارىنا قاتىسۋ ءۇشىن جاڭا ويىنشىلاردى تىركەي الادى.

ءمالىم بولعانىنداي، FIFA كەلىسىمى بويىنشا اتالعان كەزەڭنىڭ ءبىر اپتاسى 2021-جىلدىڭ كوكتەمىندەگى ترانسفەرلىك كەزەڭگە اۋىستىرىلادى.

ەگەر 2020-جىلى جارىستى اياقتاۋعا مۇمكىندىك بولماسا، بۇل شەشىمنىڭ كۇشى الداعى جىلى ساقتالادى.

«FIFA شەشىمىمەن ەلىمىزدە ويىنشىلاردى جازعى تىركەۋ كەزەڭى 20- شىلدەدە باستالىپ، 9- تامىزدا اياقتالادى. ول 21 كۇنگە سوزىلادى»، - دەپ جازىلعان قازاقستان كاسىپقوي فۋتبول ليگاسى تاراتقان حابارلامادا.

ەستەرىڭىزگە سالا كەتەلىك، قازىرگە دەيىن فۋتبولدان پرەمەر-ليگا كوماندالارى اراسىنداعى قازاقستان چەمپيوناتىنىڭ ءۇش تۋرى وتكىزىلدى. ەلىمىزدەگى كارانتين جاعدايىنا بايلانىستى ونى جالعاستىرۋ بەلگىسىز مەرزىمگە كەيىنگە شەگەرىلدى .

قازىر تۋرنير كەستەسىندە 9 ۇپايمەن الماتىنىڭ «قايرات» كومانداسى كوش باستاپ كەلەدى. ودان كەيىنگى ورىنداردا ەلوردالىق «استانا» جانە قوستانايدىڭ «توبىل» كلۋبتارى تۇر.