«وسى اۋماقتا ءار اپتا سايىن كولدىڭ اينالاسىن تازارتامىز، ويتكەنى دەمالۋشىلار قوقىستارىن جيناماي، وسىندا قالدىرىپ كەتەدى. كوپتەگەن ادام كولدى كورۋ ءۇشىن نۇر- سۇلتاننان، پاۆلوداردان، قاراعاندىدان كەلەدى. ءبىز تابيعاتتى، بايلىعىمىزدى قورعاۋ ءۇشىن ەرىكتىلەردى تارتامىز. ولار بارلىق قوقىستى سومكەلەرگە جينايدى. ودان كەيىن كولىكتەرمەن پوليگونعا اپارادى. كەشە پوليتسيا قىزمەتكەرلەرى 33كە جۋىق اكىمشىلىك سيپاتتاعى زاڭ بۇزۋشىلىقتى انىقتادى. بىرەۋ وت جاعىپ، بىرەۋ قوقىس تاستايدى، الكوگولدىك ىشىمدىك ىشكەندەر دە بولدى. وزدەرىڭىز بىلەسىزدەر، پاندەميا كەزىندە بۇل كولگە بارۋعا تىيىم سالىندى. ءۇش ءموبيلدى توپ، جەدەل شتاب جانە موبيلدى پاترۋل قۇردىق. ولاردىڭ بارلىعى قورشاعان ورتانىڭ لاستانۋىن بولدىرماۋعا باعىتتالعان»، - دەيدى ەرەيمەنتاۋ اۋدانى اكىمى اباي ءالجانوۆ ارنايى ۇيىمداستىرىلعان باسپا ءسوز تۋرى بارىسىندا.
ال قر ەكولوگيا، گەولوگيا جانە تابيعي رەسۋرستار مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆتىڭ ايتۋىنشا، كولدىڭ ماڭىندا بىرنەشە پوليتسيا جەلىلەرى ورنالاسقان.
«بۇل - ۋاقىتشا شەشىم. ەندى ەكولوگيالىق سەكتورمەن بىرگە ءبىز تابيعي رەسۋرستاردى تۇز جانە ساز تۇرىندە الىپ جۇرگەن بارلىق بۇزۋشىلاردى ۇستايمىز جانە ايىپپۇل سالامىز. ەكىنشى پروبلەما - بۇل جەرگە ادامداردىڭ جاپپاي جينالۋى. ارنايى ينفراقۇرىلىم جوق، اينالا تولى قوقىستار. بۇل ماسەلەنىڭ شەشىمى بوس ۋاقىتتى جانە دەمالىستى ۇيىمداستىراتىن جەكە تۇلعالار ءۇشىن دەمالىس ايماعىن قامتاماسىز ەتۋدەن تۇرادى. شىن مانىندە، بۇل وتە ەرەكشە جانە ادەمى جەر، ءبارىن، ءتىپتى شەتەلدىك تۋريستەردى دە قىزىقتىرادى. بىرنەشە جىل بويى كول قىزعىلت تۇسكە بويالۋى ەرەكشە تابيعي قۇبىلىس»، - دەيدى ول.
سونىمەن قاتار، ول ەرتەڭ ينسپەكتورلار مەن پوليتسيا قىزمەتكەرلەرى قىزعىلت كولدى قاداعالاۋعا جىبەرىلەتىنىن ايتتى. ولار تۇز الىپ جۇرگەن ادامداردى ۇستاپ، جاۋاپكەرشىلىككە تارتپاق. سانيتارلىق قىزمەت سۋدىڭ سىناماسىن الدى. ەشقانداي پاتولوگيا انىقتالعان جوق. تۇزدا جوعارى كونتسەنتراتسيا بار. ارينە، بۇل سۋدى تۇتىنۋعا بولمايدى. ەكولوگتار ودان ءارى تالداۋ ءۇشىن تۇنبا شوگىندىلەرىن الدى.
«ءبىز تۇز العانداردى، قوقىس تاستاعانداردى ۇستايمىز، ايىپپۇل سالامىز. ويتكەنى بۇل تابيعي رەسۋرستار. سۋ ايدىنى بولعاندىقتان، ەرەجە بۇزۋعا بولمايدى. ءبىز سانكتسيا شارالارىن قابىلداۋىمىز كەرەك، دۇرىس ەمەس دەمالۋدى توقتاتۋىمىز كەرەك. تۇز ءۇشىن ايىپپۇل قانشا مولشەردە العانىنا بايلانىستى، ال قوقىس تاستاعانى ءۇشىن جەكە جانە زاڭدى تۇلعاعا ايىپپۇل مولشەرى 5 ا ە ك جانە ودان جوعارى بولادى. جالپى نۇر- سۇلتانعا جاقىن جەردە ادامدار دەمالاتىن كوپتەگەن كول مەن وزەن بار. بۇل ۇلكەن پروبلەما. وتكەن جىلى ءبىز قوياندى كولىنە بارىپ، ونى تازارتۋعا تىرىستىق، الايدا ءبىر اپتادان باياعى قالپىنا قايتا كەلدى. جاڭا كودەكستە ءبىز قوقىس تاستاعاندارعا سالىناتىن ايىپپۇل مولشەرىن كوبەيتۋدى كوزدەيمىز. بۇگىن ءبىز ەلوردانىڭ اينالاسىنداعى قوقىستارعا باردىق. مىسالى، پوليتسيا ءبىزدى الكوگول ىشپەۋگە، قوعامدىق ورىنداردا تەمەكى شەكپەۋگە ماجبۇرلەيدى. بۇل مەحانيزمدەر جۇمىس ىستەيدى، سوندىقتان ءبىز دە ەكولوگياعا قاتىستى وسىنداي شارالاردى قابىلداي بەرەتىن بولامىز»، - دەدى كوميتەت ءتوراعاسى.
ونىڭ ايتۋىنشا، كوبەيتۇز كولى دە باسقا كولدەر سياقتى كۇزەتىلەتىن جەرگە جاتپايدى. شەشىمدەردىڭ ءبىرى - وسى كولدە دەمالىستى ۇيىمداستىرۋعا جاۋاپتى جەكە كاسىپورىندى انىقتاۋ. زۋلفۋحار جولداسوۆ بۇل دۇرىس شەشىم ەكەنىن، دۇرىس دەمالۋدى قاداعالايتىن ادام بولعانى جاقسى ەكەنىن ايتتى.
«ءبىز ەرىكتىلەردى تارتامىز. قازىر ءبىز كوپشىلىكتى حالىقتىڭ وزىمەن جۇمىس جاساۋعا، نە مۇمكىن، نە مۇمكىن ەمەس ەكەنىن تۇسىندىرۋگە تارتامىز. جۇما كۇنى ق ر ەكولوگيا، گەولوگيا جانە تابيعي رەسۋرستار ءمينيسترى سەنىم تەلەفونى جۇمىس ىستەيتىندىگىن مالىمدەدى. ول ۆيتسە- مينيسترگە بەكىتىلدى. تۇرعىندار كەز كەلگەن ەكولوگيالىق بۇزۋشىلىقتاردى تىركەپ، بىزگە جىبەرە الادى. جۇمادان دۇيسەنبىگە دەيىن 250 حابارلاما الدىق»، - دەيدى ول.
ەسكە سالساق، بۇعان دەيىن كوروناۆيرۋستى ەمدەيدى دەگەن جەلەۋمەن كوبەيتۇز كولى تۇزىنىڭ كەلىسى الەۋمەتتىك جەلىدە 5 مىڭ تەڭگەدەن ساتىلىپ جاتقانى تۋرالى حابارلاعان بولاتىنبىز.