وزبەك ءانشىسى قازاق حالقىن قولداپ، «اتامەكەن» ءانىن ورىنداپ بەردى

نۇر-سۇلتان. قازاقپارات - تانىمال وزبەك ءانشىسى دجون رۋمي ينستاگرام پاراقشاسىندا COVID-19 ىندەتىنە قارسى كۇرەستە قازاق حالقىنا قولداۋ ءبىلدىرىپ، «اتامەكەن» ءانىن ورىنداپ بەردى، دەپ حابارلايدى قازاقپارات ءتىلشىسى.

«قۇرمەتتى قازاقستان حالقى! ءبىزدىڭ ءبارىمىز قازىر كۇردەلى كەزەڭدى باستان وتكەرىپ جاتىرمىز. وزدەرىڭىز بىلەتىندەي، 2018-جىلى قازاقستانداعى وزبەكستان جىلى بولىپ، ال 2019-جىلى وزبەكستانداعى قازاقستان جىلى رەتىندە اتالىپ وتكەن بولاتىن. وكىنىشكە قاراي 2020-جىلى ءبىزدىڭ الەم ءۇشىن كۇردەلى بولىپ تۇر. ءوز ەلىمنىڭ قاراپايىم ازاماتى ءارى وزبەكستان مادەنيەتىنىڭ وكىلى رەتىندە سىزدەردى مورالدىق تۇرعىدا قولداسام دەيمىن»، - دەپ جازدى ءانشى ينستاگرامدا.

ءسوز سوڭىندا ءانشى قازاقتىڭ «اتامەكەن» ءانىن ورىنداپ بەردى.

سوڭعى مالىمەتتەر بويىنشا قازاقستاندا قازىرگى تاڭدا كوروناۆيرۋستى 70339 ادام جۇقتىرعان. ونىڭ 43029 ى ەمدەلىپ شىقتى. وكىنىشكە قاراي 375 ادام كوز جۇمدى.