وسىعان وراي ەكولوگيالىق ۇيىمدار قاۋىمداستىعىنىڭ باسشىسى ايگۇل سولوۆيەۆا پىكىر ءبىلدىردى، دەپ حابارلايدى قازاقپارات ءتىلشىسى.
«ەڭ الدىمەن وسى قابىلداعان شەشىمگە قولداۋ بىلدىرەتىنىمدى ايتقىم كەلەدى. ءبىز ايناعا قاراپ، شىندىققا جاناسپايتىن وبرازدار قالىپتاستىرامىز. دۇنيەجۇزىلىك دەنساۋلىق ساقتاۋ ۇيىمى جاساعان جاڭا كودتارعا سايكەس جاڭا شەشىمگە كەلگەنىمىز دۇرىس بولدى. بۇرىن دا د د س ۇ- نىڭ ۇستانىمىن ۇستادىق قوي، ءبىراق كوروناۆيرۋس ينفەكتسياسى - الەمدە بولعان جاڭا قۇبىلىس. د د س ۇ- دا ۋاقىت وتكەن سايىن جەتىلە تۇسەتىنى ءسوزسىز، سول سەبەپتى دە وسى كودتار ەنگىزىلدى. ەندى ول ۇيىم ماسەلەنى شەشۋ جولدارى تۋرالى كەڭەس بەرەدى دەپ سەنەمىز»، - دەيدى ايگۇل سولوۆيەۆا.
ونىڭ ايتۋىنشا، كوروناۆيرۋس پەن پنيەۆمونيا ستاتيستيكاسىن بىرىكتىرۋ جاعدايدى دۇرىس باعالاۋعا مۇمكىندىك بەرەدى.
«ەۋروپالىق دەنساۋلىق ساقتاۋ ۇيىمىنىڭ توتەنشە جاعدايلار بويىنشا ايماقتىق ديرەكتورى دوريت نيتسان ازاماتتارعا قورقىپ، دۇربەلەڭ تۋعىزۋعا بولمايتىنىن ايتتى. بۇل شىنايى ومىردە بولىپ جاتقان وقيعا كورىنىسى. قازاقستان ورتالىق ازيا ەلدەرى ىشىندە جاعدايدى بىرلەسىپ شەشۋ ءۇشىن حالىقارالىق ۇيىممەن بايلانىسقا شىققان ەل بولدى. ق ر پرەزيدەنتى تۇندە ءوز ويىن ايتتى، ال كەلەسى كۇنى وسى اقپارات شىقتى. ياعني جاعدايدى تالقىلاپ، ناتيجە شىعاردى. پرەزيدەنتتىڭ تاپسىرماسىنا وسىنداي جىلدامدىقپەن نازار اۋدارعاندا كوپ نارسە ۋاقىتىلى شەشىلەر ەدى. ق ر دەنساۋلىق ساقتاۋ ءمينيسترىن وسى ماسەلەگە جەدەل نازار اۋدارعانى ءۇشىن قولپاشتاۋعا بولادى. ولار ءبارىن ەگجەي-تەگجەيلى ءتۇسىندىرىپ بەرەتىن حالىقارالىق ساراپشىلاردى ىسكە قوستى»، - دەيدى ول.
ەسكە سالا كەتەيىك، كەشە ق ر پرەزيدەنتى قاسىم-جومارت توقايەۆ ۇكىمەتكە پاندەميانىڭ ستاتيستيكاسىن بىرىزدەندىرۋدى مىندەتتەگەن بولاتىن. بۇگىن قازاقستاندا كوروناۆيرۋس پەن پنيەۆمونيا ستاتيستيكاسى بىرىكتىرىلەتىنى حابارلاندى.