بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ايماقتىق بيۋروسىنىڭ ديرەكتورى حانس كليۋگە ايتتى، دەپ حابارلايدى قازاقپارات ءتىلشىسى.
«سوڭعى بىرنەشە ايدىڭ ىشىندە COVD-19 اۋرۋى جانە وعان قارسى كۇرەس بويىنشا جاڭا ءبىلىم الدىق. د د س ۇ بۇل اۋرۋدى سارالاۋدىڭ جاڭا كودتارىن ەنگىزدى. پنيەۆمونيانىڭ كۇرت وسكەنى تۋرالى قازاقستان تاراپىنان مالىمەت كەلىپ ءتۇستى. ونىڭ ءبىرى سول COVID-19 اۋرۋىمەن بايلانىستى. د د س ۇ- نىڭ رەفەرەنس- زەرتحانالارىندا تەستىلەۋ مۇمكىندىگىن جاساعان قازاقستاننىڭ دەنساۋلىق ساقتاۋ مينيسترلىگىنە العىسىمدى بىلدىرگىم كەلەدى. سونىمەن قاتار، دەنساۋلىق ساقتاۋ مينيسترلىگى اۋرۋدى جاڭاشا سارالاۋعا كەلىستى. بۇل قادام COVID-19 اۋرۋىنىڭ ىقتيمال جاعدايلارى بويىنشا پاتسيەنتتەردى جەتكىلىكتى دارەجەدە سارالاۋعا مۇمكىندىك بەرەدى. بۇل - ەۋروپالىق ايماقتاعى جانە الەمدەگى ءاربىر مەملەكەتتەر اۋرۋلاردى سارالاۋدىڭ حالىقارالىق تالاپتارىنا ساي باعالاپ جاتقانىن كورسەتەدى»، - دەدى حانس كليۋگە. ونىڭ ايتۋىنشا ءاربىر اۋرۋعا كود بەلگىلەنەدى.
«مەملەكەتتەردىڭ كوبى وسى مودەلمەن جۇرەر دەگەن سەنىمدەمىن»،- دەپ ەسەپتەيدى حانس كليۋگە. ەسكە سالا كەتسەك قازاقستاندا پنيەۆمونيامەن اۋىرعاندار كۆي جۇقتىرعانداردىڭ ستاتيستيكاسىنا ەنگىزىلەتىن بولدى. وسىلايشا COVID-19 بويىنشا جاڭا ستاتيستيكا 1-تامىزدان باستاپ جۇرگىزىلەدى.