بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگى 1- دەپارتامەنتىنىڭ اعا تەرگەۋشىسى قايسار بارجاقسىنوۆ ايتتى، دەپ حابارلايدى قازاقپارات ءتىلشىسى.
«جامبىل وبلىستىق سىبايلاس جەمقورلىققا قارسى قىزمەتى مەديتسينا قىزمەتكەرلەرىنىڭ شاعىمى بويىنشا جۋالى اۋداندىق ورتالىق اۋرۋحاناسىنىڭ لاۋازىمدى تۇلعالارىنا قاتىستى سوتقا دەيىنگى تەرگەۋ باستادى»، - دەدى ول اگەنتتىكتىڭ باسپا ءسوز قىزمەتى الاڭىندا وتكەن بريفينگ بارىسىندا.
ونىڭ اتاپ وتۋىنشە، تەرگەۋ COVID-19 پاندەمياسى جاعدايىندا ەپيدەمياعا قارسى شارالار ءۇشىن وسىعان دەيىن ەڭبەكاقىعا اۋدارىلعان قوسىمشا ۇستەماقىدان اقشا يەمدەنۋ فاكتىسى بويىنشا جۇرگىزىلىپ جاتىر.
«ق ر قىلمىستىق ءىس جۇرگىزۋ كودەسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريالانبايدى»، - دەدى قايسار بارجاقسىنوۆ.