باسىلىمنىڭ مالىمەتىنشە، Boeing 738 ۇشاعى قىتايدىڭ سيان قالاسىنان كۋنمينگە باعىت العان. جارتى ساعات اۋەدە قالىقتاعاننان كەيىن ەكيپاج اينەكتىڭ سىنعانىن بايقاپتى. سودان كەيىن ۇشقىشتار تەز ارادا چۋنتسينگە قونۋعا ءماجبۇر بولعان.
رادارلاردان الىنعان اقپاراتقا سايكەس، ول كەزدە ۇشاق 9,4 مىڭ مەتر بيىكتىكتە بولعان جانە كۇرت تومەندەپ، ۇشۋى باياۋلاي باستاعان. ۇشقىشتار التى مينۋت ىشىندە 3,8 مىڭ مەترگە تومەندەگەن.
ناتيجەسىندە اۋە كەمەسىنىڭ كومانديرى ۇشاقتى جەرگە ءساتتى قوندىرا العان. بۇل جايتتان جولاۋشىلار مەن ەكيپاج مۇشەلەرى زارداپ شەكپەگەن.
اۋەجاي ينجەنەرلەرى قونعاننان كەيىن اينەكتىڭ نە سەبەپتى سىنعانىن انىقتاۋ ءۇشىن اۋە كەمەسىن قوسىمشا تەكسەرىستەن وتكىزگەن.