قازاقستان مەن كورەيا دەنساۋلىق ساقتاۋ سالاسىنداعى ىنتىماقتاستىقتى نىعايتادى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي تسوي كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى كۋ حونگ-سوك مىرزامەن ونلاين- كەڭەس وتكىزدى.

بۇل جونىندە ۆەدومستۆونىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

كەزدەسۋ بارىسىندا تاراپتار ەكى ەلدەگى ەپيدەميولوگيالىق جاعدايدى، پاندەميانىڭ دامۋ ەرەكشەلىكتەرىن جانە كوروناۆيرۋس جۇقتىرعان پاتسيەنتتەرگە مەديتسينالىق كومەك كورسەتۋ، قازاقستان مەن كورەيانىڭ ىنتىماقتاستىعىنا قاتىستى وزەكتى ماسەلەلەردى، ونىڭ ىشىندە دەنساۋلىق ساقتاۋ، مەديتسينالىق ءبىلىم جانە عىلىم سالاسىنداعى تاجىريبە مەن ءبىلىم الماسۋدى تالقىلادى.

كورەي تاراپى COVID-9 قارسى كۇرەستەگى تاجىريبەسىمەن جانە ينفەكتسيالىق اۋرۋلاردىڭ بولاشاقتا ءورشىپ كەتۋىنە جول بەرمەۋ قويۋ ءۇشىن دەنساۋلىق ساقتاۋ جۇيەسىن نىعايتۋ بويىنشا شارالاردى ءبولىستى.

الەكسەي تسويدىڭ ايتۋىنشا، حالىقارالىق ىنتىماقتاستىق پەن ءوزارا قولداۋ COVID-19 قارسى كۇرەستە ۇلكەن ماڭىزعا يە. كورەيانىڭ كوروناۆيرۋسپەن كۇرەستە تاجىريبەسى مول، سوندىقتان ىنتىماقتاستىق پاندەمياعا بايلانىستى تۋىنداعان ءبىرقاتار پروبلەمانى شەشۋگە، اسىرەسە COVID-19 باقىلاۋ ىسىندە ءبىلىم مەن وزىق پراكتيكا الماسۋعا كومەكتەسەدى.

كەزدەسۋ قورىتىندىسى بويىنشا دەنساۋلىق ساقتاۋ سالاسىنداعى قازاقستان-كورەي ىنتىماقتاستىعىن ودان ءارى دامىتۋ، اتاپ ايتقاندا COVID-19 بويىنشا ءادىسناما، جاعدايدى بولجاۋ، مودەلدەۋ جانە ت. ب. بويىنشا ونلاين رەجيمدە مامانداردى وقىتۋ سەمينارلارىن وتكىزۋ جونىندەگى ۋاعدالاستىققا قول جەتتى.

سونداي-اق، تاراپتار ەكىجاقتى ىنتىماقتاستىقتى قىسقا مەرزىمدى، ورتا مەرزىمدى جانە ۇزاق مەرزىمدى پەرسپەكتيۆالارعا ستراتەگيالىق دامىتۋ تۋرالى شەشىم قابىلدادى، بۇل ءسوزسىز ءوزارا ءتيىمدى ارىپتەستىككە سەرپىن بەرەدى.