ەلوردادا ماسا مەن شىبىن- شىركەيلەرگە قارسى دەزينسەكتسيا جالعاسۋدا. 15- شىلدەدە زيانكەستەرگە قارسى وڭدەۋدىڭ كەزەكتى، ءتورتىنشى كەزەڭى باستالدى. قالالىق قورشاعان ورتانى قورعاۋ جانە تابيعاتتى پايدالانۋ باسقارماسى باستىعىنىڭ ورىنباسارى جانار بەسكەمپىروۆا دەزينسەكتسيا جۇمىستارى ەلوردانىڭ بارلىق ءتورت اۋدانىندا ءبىر ۋاقىتتا باستالعانىن ايتتى.
«15 كۇننىڭ ىشىندە جۇمىس بۇكىل قالا بويىنشا، ونىڭ ىشىندە شەت ايماقتاردا دا جالعاسادى. وڭدەۋ كەزىندە ماسالارعا قارسى «اگران» ، شىبىن- شىركەيلەرگە قارسى «فاسكون» سياقتى پرەپاراتتار قولدانىلادى»، - دەپ ءتۇسىندىردى ج. بەسكەمپىروۆا.
جۇمىس ماسالاردىڭ ۇنەمى ءوسۋ- كوبەيۋ ورىندارىندا جانە ەلوردانىڭ اينالاسىنداعى بارلىق سۋ قويمالارىندا، قورعانىس توسقاۋىلىندا جۇرگىزىلەتىن بولادى. قالانىڭ كۆارتالىشىلىك اۋماقتارى مەن قوعامدىق اۋماقتار - كوشەلەر، ساياباقتار مەن سكۆەرلەردى وڭدەۋگە ەرەكشە كوڭىل بولىنەدى. جالپى وسى جازدا زيانكەستەرمەن كۇرەستىڭ بەس كەزەڭى وتەدى.