ونىڭ ايتۋىنشا، ماڭعىستاۋ وبلىسى ورمان شارۋاشىلىعى مەن جانۋارلار الەمى اۋماقتىق ينسپەكسياسىنىڭ قىزمەتكەرلەرى مەن الماتى زووباعىنىڭ ۆەتەرينارلارى اقتاۋداعى اۋەجايعا بەت العان.
«سيمبا الماتىعا بۇگىن جەتكىزىلەدى. ودان ارى زووباققا بەرىلەدى. جىرتقىش قازىر ارنايى جاشىكتە قاماۋلى. ونى جەتكىزۋدى «وحوتزووپروم» ر م ك ك موينىنا العان. ورتالىق ماماندارى جانۋارعا وسىنداي ىڭعايلى جاشىك جاسادى. بۇيىرسا، كەشكە دەيىن ارىستان الماتىدا بولادى»، - دەپ جازدى Facebook پاراقشاسىندا ساكەن دىلداحمەت.
ونىڭ ايتۋىنشا، الماتىدا اڭ پاتشاسىن الماتى وبلىستىق ورمان شارۋاشلىعى جانە جانۋارلار الەمى ينسپەكتسياسىنىڭ جابايى جانۋارلاردى قونىستاندىرۋ ورتالىعىنىڭ ماماندارى كۇتىپ الادى.
بۇگىن تاڭەرتەڭ سيمباعا انەستەزيالىق ەكپە سالىناتىنى جازىلعان بولاتىن. جىرتقىش اۋە جولىمەن تاسىمالداعاندا مازاسى كەتپەس ءۇشىن ارنايى دارىمەن ۇيىقتاتىلادى.
ايتا كەتۋ كەرەك، 25 - ماۋسىمدا ماڭعىستاۋ وبلىسىنىڭ اقشۇقىر اۋىلىنىڭ جەرگىلىكتى تۇرعىندارى كوشەدە جۇرگەن ارىستاندى كورىپ، دابىل قاققان بولاتىن. جىرتقىش جانۋاردى ماماندار ۇستاپ، سيرككە تابىستادى. كەيىن ورمان شارۋاشىلىعى جانە جانۋارلار الەمى باسپا ءسوز حاتشىسى ساكەن دىلداحمەت ارىستاننىڭ تاعدىرى تۋرالى ايتىپ بەردى. 10- شىلدەدە جىرتقىش جانۋاردى زاڭسىز باعىپ العان اقتاۋ تۇرعىنىنا قاتىستى سوت ۇكىمى شىقتى.
اۆتور: گۇلميرا عوسمانالي