بۇل تۋرالى ب ۇ ۇ ادام قۇقىقتارى جونىندەگى جوعارعى كوميسسارى باسقارماسىنىڭ دالالىق وپەراتسيالار جانە تەحنيكالىق ىنتىماقتاستىق ءبولىمىنىڭ ديرەكتورى جورجەت گانون مالىمدەدى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.
ونىڭ ايتۋىنشا، تۇرمەدەگى ايەلدەر سانىنىڭ كوبەيۋى كوبىنەسە قىلمىستىڭ جالپى وسۋىمەن ەمەس، «جەكەلەگەن ەلدەر بيلىگىنىڭ قاتە ساياسي شەشىمدەرىمەن» بايلانىستى. تاعى ءبىر ماڭىزدى ماسەلە - تۇرمەلەردە ادام سانىنىڭ تولىپ كەتۋى. كەم دەگەندە 114 ەلدە ونداعى ادامداردىڭ سانى سىيىمدىلىقتىڭ رەسمي كورسەتكىشتەرىنەن اسىپ تۇسەدى، ال وسى ەلدەردىڭ 92-سىندە تۇرمەلەردىڭ تولۋى 100-دەن 200 پايىزعا دەيىنگى كورسەتكىشتى قۇرايدى. 714000-عا جۋىق ايەلدەر مەن قىزدار تەمىر تورعا قامالعان.
2000 -جىلدان باستاپ تۇرمەدەگى ايەلدەر مەن قىزدار سانى 53 پايىزعا، ال ەرلەر سانى 20 پايىزعا كوبەيگەن. كوروناۆيرۋس پاندەمياسى تۇرمەلەردەگى جاعدايدى ادام سانىنىڭ تولىپ كەتۋ ماسەلەلەرىن ۋشىقتىردى. ۆيرۋس جۇقتىرعان قاماۋداعىلار سانىنىڭ شەكتەن تىس كوبەيۋى جازالاۋدىڭ بالاما تۇرلەرىن قولدانۋ قاجەتتىلىگىن تۋدىردى. وسىعان بايلانىستى كوپتەگەن مەملەكەت شارتتى تۇردە قاماۋعا الۋ جانە ءۇي قاماعىنا الۋ تاجىريبەسىن بەلسەندى تۇردە قولدانا باستادى.