توكيو بيلىگى قالادا 165 ادام كوروناۆيرۋس جۇقتىرعاننان كەيىن تۇرعىنداردى بارىنشا اباي بولۋعا شاقىرىپ جاتىر.
توكيودا جەتىنشى كۇن قاتارىنان كوروناۆيرۋس جۇقتىرۋدىڭ جاڭا جاعدايلارى تىركەلىپ جاتىر.
ايتا كەتەيىك، 25- مامىر كۇنى ەلدە توتەنشە جاعداي توقتاتىلعاننان كەيىن توكيودا اۋرۋعا شالدىعۋ سانى ءوسىپ جاتىر. جاپونيا استاناسى ءتورت كۇن قاتارىنان 200 دەن استامنىڭ COVID-19 جۇقتىرعانىن تىركەدى.
مەديتسينا ساراپشىلارى 8354 ادام ىندەتكە شالدىققاننان كەيىن قاۋىپ دەڭگەيىن ەڭ جوعارى ءتورتىنشى دەڭگەيگە دەيىن كوتەرۋدى ۇسىندى.
الايدا، ەلدىڭ اۋرۋدى باقىلاۋ جانە الدىن الۋ ورتالىعىنىڭ وكىلى بۇل جاعداي كوروناۆيرۋستىڭ «ەكىنشى تولقىنى» ەمەس دەپ ەسەپتەيدى.
سەبەبى، ناۋرىز بەن ءساۋىر ايلارىمەن سالىستىرعاندا ەلدە اۋىر حالدە جاتقاندار سانى الدەقايدا از.