حولەستەريندى تۇسىرەتىن ءدارى كوروناۆيرۋسپەن كۇرەسۋگە كومەكتەسەدى - عالىمدار
«نارىقتا ونداعان جىلدان بەرى پايدالانىلىپ كەلە جاتقان قاراپايىم ءدارى COVID-19 ەمدەگەندە كومەكتەسە الادى ما؟ يەرۋساليمدەگى ەۆرەي ۋنيۆەرسيتەتىنىڭ زەرتتەۋ كومانداسى العاشقى زەرتتەۋدىڭ ناتيجەسى كوپ دەيدى»، - دەپ جازادى ۋنيۆەرسيتەتتىڭ باسپا ءسوز قىزمەتى.
عالىمدار كومانداسى ءۇش اي بويى SARS- CoV-2 ناۋقاستاردىڭ وكپەسىن قالاي وزگەرتەتىنىن زەرتتەدى. ولار كوروناۆيرۋس كادىمگى كومىرسۋلاردىڭ ىدىراۋىنا كەدەرگى بولاتىنىن انىقتادى. سونىڭ سالدارىنان مايلار جاسۋشالاردا جينالادى دا، ۆيرۋستىڭ كوبەيۋىنە جاعداي جاسايدى.
لابوراتوريالىق زەرتتەۋ كەزىندە «فەنوفيبرات» پرەپاراتى «كوپ ۋادە بەرەتىن ناتيجەنى» كورسەتكەن: «وكپە جاسۋشالارىنا مايدى كوبىرەك ىدىراتۋعا مۇمكىندىك بەرىپ، ۆيرۋستىڭ ورشۋىنە وسى جاسۋشالارمەن قارسى تۇردى. وسىلايشا SARS- CoV-2 ءورشۋىن توقتاتتى».
باسپا ءسوز قىزمەتىندەگىلەر ناۋقاستار بەس كۇن ەم العاندا وكپەدەگى ۆيرۋستار تولىق دەرلىك جويىلعانىن اتاپ ءوتتى.
«ەگەر ءبىزدىڭ قورىتىندىلارىمىز كلينيكالىق زەرتتەۋلەر ارقىلى راستالسا، وندا وسى ەمدەۋ كۋرسى COVID-19 اۋىرتپالىعىن قاراپايىم سۋىق تيۋ دەڭگەيىنە دەيىن تومەندەتۋى مۇمكىن»، - دەگەن پروفەسسور يااكوۆ نامياس.