ەلوردادا ءدارى-دارمەك باعاسىن نەگىزسىز كوتەرگەندەرمەن كۇرەس كۇشەيەدى
«استانا - ادالدىق الاڭى» جوبالىق كەڭسەسى سىبايلاس جەمقورلىققا قارسى ءىس-قيمىل دەپارتامەنتى جانىنداعى ارنايى مونيتورينگ توبىمەن بىرلەسىپ، ەلوردالىق ءدارىحانالارعا تەكسەرۋ جۇرگىزۋدى جالعاستىرۋدا.
بەيسەنبى كۇنى رەيد IKOMEK 109 بايلانىس ورتالىعىنا تۇسكەن مەكەن-جاي بويىنشا ءوتتى.
اتاپ ايتساق، «Murat-Farm 35» ءدارىحاناسىندا قالا تۇرعىنىنا 90 م گ «ينگاۆەرينانى» 7 مىڭ تەڭگەگە ساتقان.
بۇل ءدارى-دارمەكتىڭ dari.kz رەسمي سايتىندا قۇنى 5940 تەڭگە مولشەرىندە كورسەتىلگەن.
جەڭىس داڭعىلىنداعى 26ا- ۇيدەگى ءدارىحانادا قالا تۇرعىنى 16310 تەڭگەگە 30 م گ «دايۆوبەت» جاقپا مايىن ساتىپ العان، ءبىراق بەلگىلەنگەن باعا 9435 تەڭگە. ءدارىحانا ساتىپ الۋشىعا ارتىق تولەگەن اقشاسىن قايتاردى.
«بۇل جەردە دارىلىك پرەپاراتتىڭ باعاسى 6 مىڭ تەڭگەگە وسكەن. قازىر ءبىز تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە وسى مەكەمەنى باقىلاۋعا الۋدى جانە ولار ساتاتىن بارلىق تاۋارلاردى تولىق تەكسەرۋدى تاپسىردىق»، - دەيدى «استانا - ادالدىق الاڭى» جوبالىق كەڭسەسىنىڭ ۇيلەستىرۋشىسى ساۋلە بيسەمبايەۆا.
مونيتورينگ ناتيجەلەرى ناقتى شارا قابىلداۋ ءۇشىن جاۋاپتى ورگاندارعا جىبەرىلەتىن بولادى.
«ءدارىحانالاردى تەكسەرۋ بويىنشا رەيدتەر جالعاسۋدا. سونىمەن قاتار بارلىق ازاماتتاردان ءدارى- دارمەكتىڭ باعاسى قىمباتتاعانى انىقتالسا، 77751605532+ WhatsApp نومىرىنە حابارلاما جىبەرۋلەرىن سۇرايمىن. قازىرگى ۋاقىتتا مەديتسينالىق ءدارى-دارمەكتەردىڭ باعاسىن نەگىزسىز كوتەرۋ - قۇقىق بۇزۋشىلىق بولىپ سانالادى»، - دەپ اتاپ ءوتتى «استانا-ادالدىق الاڭى» جوباسىنىڭ جەتەكشىسى ميراس شەكەنوۆ.
ءدارىحانا باسشىلارىنا باعانى كوتەرۋدىڭ الدىن الۋ بويىنشا ۇسىنىستار بەرىلدى. ءدارى-دارمەكتىڭ باعاسىنا كۇمان تۋدىرعان جاعدايدا، dari.kz قوسىمشاسى مەن ndda.kz رەسمي سايتى ارقىلى، ق ر دەنساۋلىق ساقتاۋ ءمينيسترىنىڭ بۇيرىعىمەن بەكىتىلگەن سىلتەمە بويىنشا تەكسەرۋگە بولادى.