قازاقستاندا كارانتين مەرزىمى ۇزارتىلۋى مۇمكىن بە
«كارانتيندى ۇزارتۋعا قاتىستى ايتار بولسام، باستاپقىدا ۇسىنىس ەنگىزگەندە ازاماتتاردىڭ تىلەكتەرى ەسكەرىلدى. رەجيمنىڭ بيزنەس قوعامداستىقتارعا دا بارىنشا بەيىمدى بولۋى كوزدەلدى. دەگەنمەن، وسىناۋ ۆيرۋسقا شالدىعۋدىڭ كۇرت ءورشىپ كەتۋىن ەڭسەرۋگە سەپتىگىن تيگىزەتىن شەكتەۋ شارالارى دا قاراستىرىلدى»، - دەدى مينيستر بۇگىن ورتالىق كوممۋنيكاتسيالار قىزمەتىندەگى بريفينگىدە تىلشىلەردىڭ ساۋالىنا وراي.
سونىمەن قاتار ول كەز كەلگەن باعالاۋ ينكۋباتسيالىق كەزەڭمەن، ياعني 14 كۇنمەن بايلانىستى بولۋى كەرەكتىگىن اتاپ ءوتتى.
«قازىر ءبىز قانداي دا ءبىر ارالىق ناتيجەلەردى قاراپ وتىرمىز. دەگەنمەن، شىنايى تيىمدىلىگىن ەكىنشى اپتاعا قاراي نە بولماسا ءبىز باعالاۋ جۇرگىزگەننەن سوڭ بىردەن كورەتىن بولامىز. كارانتين اياقتالعاننان كەيىن ونىڭ ۇزارتىلاتىنى نەمەسە شارالاردىڭ قاتاڭداتىلاتىنى تۇسىنىكتى بولادى»، - دەدى الەكسەي سوي.