مەدساقتاندىرۋ: وكپەگە كومپيۋتەرلىك توموگرافيانى تەگىن جاساتۋ نەلىكتەن قيىن

نۇر-سۇلتان. قازاقپارات - «الەۋمەتتىك مەديتسينالىق ساقتاندىرۋ قورى» ا ق وكپەگە كومپيۋتەرلىك توموگرافيانى (ك ت) تەگىن جاساتۋ نەلىكتەن قيىن ەكەنىن ءتۇسىندىردى، دەپ حابارلايدى قازاقپارات.

ءمالىم ەتىلگەندەي، الەۋمەتتىك مەديتسينالىق ساقتاندىرۋ قورى (ءا م س ق) بەكىتىلگەن تاريفتەر بويىنشا كونسۋلتاتسيالىق- دياگنوستيكالىق قىزمەتتەردى قارجىلاندىرادى. وعان ك ت جانە مرت كىرەدى. بۇگىنگى كۇنى ءا م س ق- دا ك ت بويىنشا - 140-قا جۋىق، م ر ت قىزمەتى بويىنشا 100 گە جۋىق جەتكىزۋشى تىركەلگەن. بۇل رەتتە، ك ت قىزمەتىن كورسەتۋشىلەردىڭ دەنى - نۇر-سۇلتان، الماتى قالالارىندا، قاراعاندى، شىعىس قازاقستان، الماتى وبلىستارىندا، م ر ت بويىنشا - الماتى، شىمكەنت، نۇر-سۇلتان قالالارىندا، جامبىل، تۇركىستان جانە شىعىس قازاقستان وبلىستارىندا ورنالاسقان. قازىر سىرقاتتانۋدىڭ ارتۋىنا بايلانىستى كت اپپاراتتارىنىڭ جەتىسپەۋشىلىگى بايقالادى. بۇل رەتتە، جەكە كلينيكالار وكپەنىڭ كومپيۋتەرلىك توموگرافياسىنا باعانى ايتارلىقتاي ارتتىرىپ جىبەرگەن. «تيىسىنشە، وسى قىزمەتتى مىندەتتى الەۋمەتتىك مەديتسينالىق ساقتاندىرۋ (م ءا م س) شەڭبەرىندە كورسەتۋ كولەمى تومەندەدى، سەبەبى ءونىم بەرۋشىلەر ولاردى اقىلى نەگىزدە ۇسىنۋعا مۇددەلى»، - دەدى قوردان.

جابدىقتاردىڭ قىمباتتىعىنا بايلانىستى كومپيۋتەرلىك توموگرافيا اپپاراتتارى كوبىنە ورتالىق قالالاردا ورنالاسقان. وسى رەتتە، دارىگەرلەر دياگنوستيكانىڭ بالاما ءتۇرى - رەنتگەن- زەرتتەۋدى ۇسىنادى. وڭىرلەردە ول قولجەتىمدى. ءا م س ق كومپيۋتەرلىك توموگرافيا قىزمەتتەرى ساقتاندىرىلعان پاتسيەنتتەرگە ءمامس جۇيەسى اياسىندا امبۋلاتوريالىق دەڭگەيدە تەگىن كورسەتىلەتىنىن اتاپ ءوتتى.

«ول ءۇشىن ءتيىستى سيمپتومدار بولعان جاعدايدا تىركەلگەن جەرى بويىنشا ەمحاناعا جۇگىنۋ كەرەك. ۋچاسكەلىك دارىگەر بەلگىلەردى انىقتاعان كەزدە، ك ت- نىڭ تەگىن قىزمەتىنە جولداما بەرەدى. بۇل جاعدايدا ول م ءا م س ارقىلى وتەدى جانە قور قاراجاتتى تولەيدى»، - دەپ ناقتىلادى مەكەمەدەن. ءبىرىنشى توقساننىڭ قورىتىندىسى بويىنشا ك ت جانە م ر ت كورسەتىلگەن قىزمەتتەر سانى وتكەن جىلدىڭ ۇقساس كەزەڭىمەن سالىستىرعاندا 5 ەسە، ال قارجىلاندىرۋ كولەمى - 7 ەسە (269 ميلليون تەڭگەدەن 2 ميلليارد تەڭگەگە دەيىن) ارتقان.