مينيسترلىك: تۇندە اسپاننان زياندى زات شاشىلادى دەگەن اقپارات - جالعان
ق ر دەنساۋلىق ساقتاۋ مينيسترلىگى بۇل اقپاراتتىڭ شىندىققا جاناسپايتىنىن رەسمي تۇردە ءمالىم ەتتى، دەپ حابارلايدى قازاقپارات.
«بۇگىن ساعات تۇنگى 2 دە اۋاعا بىردەڭە شاشادى، بۇل جولى كىشكەنتاي بالالارعا اسەر ەتەتىن نارسە ەكەن. 3 كۇن بويى بالالارىڭىزدى دالاعا شىعارماڭىزدار» دەلىنگەن. وسىعان بايلانىستى دەنساۋلىق ساقتاۋ مينيسترلىگى مالىمەت تاراتتى.
«قۇرمەتتى حالايىق، سىزدەردەن الەۋمەتتىك جەلىلەردە تاراپ جاتقان جالعان اقپاراتقا سەنبەي، تەك رەسمي دەرەككوزگە جۇگىنۋلەرىڭىزدى سۇرايمىز. بارلىق راستالعان اقپاراتتى ق ر دەنساۋلىق ساقتاۋ مينيسترلىگىنىڭ رەسمي سايتىنان جانە الەۋمەتتىك جەلىلەردەگى پاراقشالارىنان الۋعا بولادى» دەلىنگەن ق ر دەنساۋلىق ساقتاۋ مينيسترلىگى تاراتقان حابارلامادا.
سونداي-اق، مينيسترلىك كورىنەۋ جالعان اقپارات تاراتقان ادامداردىڭ ق ر ق ك 274-بابى - «كورىنەۋ جالعان اقپارات تاراتۋ» بويىنشا قىلمىستىق جاۋاپقا تارتىلاتىنىن ەسكە سالدى.