2020-جىلدىڭ باستى وقيعاسى - كوروناۆيرۋس پاندەمياسى بولدى. بۇل جاعداي جاھاندىق ەكونوميكالىق باسەڭدەتۋگە اكەپ سوقتى. حالىقارالىق ۆاليۋتا قورىنىڭ سوڭعى بولجامىنا سايكەس، 2020-جىلى الەمدىك ەكونوميكا بىردەن %4,9 قۇلدىرايدى، ال ودان كەيىن %5,4 ءوسىم كۇتىلۋدە.
دەگەنمەن، كوپ نارسە ادامزاتتىڭ پاندەميامەن كۇرەستەگى تابىسىنا تىكەلەي بايلانىستى بولىپ وتىر.
2020-جىلدىڭ سوڭىنا دەيىن ناۋقاستار سانى ازايماسا، رەتسەسسيا 2021-جىلى دا جالعاسۋى مۇمكىن. مۇنداي جاعدايدا بيزنەستىڭ ءوز جۇمىسىن قولداۋعا نەمەسە دامۋىنا ينۆەستيتسيا تارتۋ قيىنداي تۇسەدى.
ينۆەستورلار بارلىعىنا ساقتىقپەن قارايدى جانە ولاردىڭ كوپشىلىگى دامۋشى نارىقتاردان كاپيتالىن شىعارىپ جاتىر. مۇنداي جاعدايدا قارجىلىق الاڭدار - حالىقارالىق قارجى ورتالىقتارى كومەكتەسە الادى.
ولار ءتۇرلى فورماتتاعى قارجىلاندىرۋ جولدارىن ۇسىنىپ، نارىقتى دامىتۋعا سەپتىگىن تيگىزەدى. قازاقستان 2018 -جىلى ەكونوميكاسىن ءارتاراپتاندىرۋدى قولداۋ ءۇشىن ءوزىنىڭ «استانا» حالىقارالىق قارجى ورتالىعىن ىسكە قوستى.
ونىڭ جۇيەسىندە تەك قارجىلىق كومپانيالار عانا ەمەس، ءداستۇرلى سالا وكىلدەرى دە جۇمىس ىستەي الادى. قالايشا؟
«Online Astana Finance Days 2020» كونفەرەنتسياسىندا وسى تاقىرىپتا ەكى سەسسيا وتەدى - «ا ح ق و- داعى فاندرايزينگ» جانە «قازاقستان - اۋىلشارۋاشىلىق جوبالار جانە ينۆەستيتسيالىق سىن- قاتەردى ازايتۋ». «ا ح ق و- داعى فاندرايزينگ» ۆەبينارىندا ساراپشىلار ا ح ق و- دا ينۆەستيتسيالىق جوبالارعا قاراجات تارتۋ پلاتورماسىنا قانداي قىزمەتتەر قولجەتىمدى ەكەنىن ايتىپ بەرەدى.
اقشالاي قاراجاتتى تارتۋدىڭ ءتۇرلى مەحانيزمدەرى مەن كوزدەرى كورسەتىلەدى. ماسەلەن، 300 مىڭ دوللارعا دەيىنگى قارىز بويىنشا - iKapitalist جوباسى (ا ح ق و قارجى تەحنولوگيالارى اياسىندا)؛ 100 ميلليون دوللارعا دەيىنگى ۇلەستىك قاتىسۋدا - KIDF قورى؛ 100 ميلليون دوللارعا دەيىنگى ۇلەستىك قاتىسۋ مەن قارىز بويىنشا - قىتاي قۇرىلىس بانكىنىڭ ا ح ق و- داعى فيليالى.
ەكىنشى سەسسيا قازاقستاننىڭ اۋىلشارۋاشىلىق الەۋەتىن جۇزەگە اسىرۋعا جانە وسى سەكتورعا ينۆەستيتسيا تارتۋعا ارنالادى.
McKinsey كەلتىرگەن سوڭعى ەسەپكە سۇيەنسەك، مۇنداي بيزنەس اكتسيونەرلەر ءۇشىن ءتيىمدى بولماق جانە 2004-جىلدان باستاپ، حالىقارالىق ينۆەستورلار وسى سەكتورداعى بيزنەستە بەلسەندىلىگىن ءۇش ەسە ارتتىرعان.
2019-جىلى ەلىمىزدەگى اۋىلشارۋاشىلىق سەكتورىنا سالىنعان ينۆەستيتسيالاردىڭ جالپى كولەمى 1,1 ميلليارد دوللار بولعان. بۇل ءبىر جىل بۇرىنعى كورسەتكىشتەن %41 جوعارى. اگروونەركاسىپتىك كەشەندەگى بەلسەندىلىك بولجامى الداعى 5 جىلدا 10,3 ميلليارد دوللار ينۆەستيتسيا تۇسەتىنىن كورسەتىپ وتىر.
ينۆەستيتسيالاۋدىڭ ناقتى مۇمكىندىكتەرىن تانىستىرۋ ماقساتىندا «قازاقستان - اۋىلشارۋاشىلىق جوبالار جانە ينۆەستيتسيالىق سىن-قاتەردى ازايتۋ» سەسسياسى وتەدى. وندا مەملەكەتتىڭ اۋىل شارۋاشىلىعى سالاسىنا قاتىسۋى، COVID-19 كەزەڭىندەگى جانە ودان كەيىنگى جاعدايدا ينۆەستورلاردىڭ قاجەتتىگى، ەلىمىزدىڭ حالىقارالىق نارىقتاعى مۇمكىندىكتەرى مەن ينۆەستورلىق قاجەتتىلىكتەرى تالقىلانادى.
تۇتاس «Online Astana Finance Days 2020» كونفەرەنتسياسى 29- ماۋسىم - 3 -شىلدە ارالىعىندا ونلاين فورماتتا وتەدى. ونداعى پىكىرتالاستىڭ باستى تاقىرىبى - «وزگەرمەلى الەمدەگى نارىقتار» بولماق.
ساراپشىلار مەن ساياساتكەرلەر قالىڭ جۇرتشىلىققا ءوز بولجامدارىن ايتىپ قانا قويماي، پاندەميا كەزەڭىندەگى ەكونوميكانى دامىتۋ مەن قوعامدى قولداۋدىڭ ناقتى شەشىمدەرى مەن مەحانيزمدەرىن ۇسىنباق.
كونفەرەنتسيانىڭ ارنايى سايتىندا شارا باعدارلاماسىمەن تانىسىپ، اككرەديتاتسيادان وتۋگە بولادى.
تىركەلگەن قاتىسۋشىلارعا ۆەبينار جازىلىمدارى قولجەتىمدى بولادى جانە ولار الەمدىك ساراپشىلارعا تىكەلەي ەفيردە سۇراق قويا الادى.
سونىمەن بىرگە، Online Astana Finance Days 2020 بارىسىن Twitter، Facebook جانە Instagram جەلىلەرىندەگى رەسمي پاراقشالاردا باقىلاۋعا بولادى.