قازاقستاندا اباي كۇنىن بەلگىلەۋ ۇسىنىلدى

نۇر-سۇلتان. قازاقپارات - قازاقستاندا اباي كۇنىن بەكىتۋ ۇسىلىنىپ وتىر.

جاڭا مەرەكە تۋرالى «اشىق ۇ ە ۇ» پورتالىندا جاريالاندى، دەپ حابارلايدى قازاقپارات.

ق ر مادەنيەت جانە سپورت مينيسترلىگىنىڭ قاۋلىسىنا سايكەس، اباي كۇنىن 10-تامىزعا بەلگىلەۋ ۇسىنىلدى.

«اتالعان قاۋلىعا سايكەس بەكىتىلگەن قازاقستانداعى مەرەكەلىك داتالاردىڭ 22-1 پۋنكىتتەرىن مىناداي ماعىناداعى سوزدەرمەن تولىقتىرۋ كەرەك. «22-1. 10 تامىز - اباي كۇنى»، - دەلىنگەن قۇجاتتا. اتالمىش ۇسىنىستى تالقىلاۋ 13-ماۋسىمدا وتەدى. ۇسىنىس-پىكىرلەردى «اشىق ۇ ە ۇ» پورتالىنا جازىپ قالدىرۋعا بولادى.

ايتا كەتەيىك، بيىل قازاقتىڭ ۇلي ويشىلى، اقىن اباي قۇنانبايەۆتىڭ تۋعانىنا 175 جىل تولادى.