قازاقستاننىڭ رەسەيدەگى ەلشىسى «قازاقپارات» ءتىلشىسىن ماراپاتتادى
«ديپميسسيا باسشىسى «قازاقپارات» اگەنتتىگىنىڭ ءتىلشىسى نارىمبەك يسماعۇلوۆتى، «حابار» تەلەارناسىنىڭ ءتىلشىسى دانا نۇرجاندى جانە «قازاقستان» تەلەارناسىنىڭ ءتىلشىسى ينديرا اسانوۆانى بۇقارالىق اقپارات قۇرالدارى قىزمەتكەرلەرى كۇنىمەن قۇتتىقتاپ، العىس حاتتار مەن ەستەلىك سىيلىقتار تابىس ەتتى»، - دەلىنگەن ەلشىلىكتىڭ رەسمي سايتىندا.
ونىمەن قوسا، ە. كوشەربايەۆ قازاقستان- رەسەي قارىم-قاتىناستارى تۋرالى اقپاراتتاردىڭ جوعارى دەڭگەيى ءۇشىن العىس ءبىلدىرىپ، شىعارماشىلىق تابىس تىلەدى.
ايتا كەتەيىك، 26-ماۋسىم كۇنى «قازاقپاراتتىڭ» تاعى ءبىر ءتىلشىسى ماراپاتتالعان بولاتىن. ايان ءورىباي ق ر مادەنيەت جانە سپورت مينيسترلىگى ۇيىمداستىرعان «مەملەكەتتىك ءتىل جانە ب ا ق-2020» رەسپۋبليكالىق بايقاۋىندا ەكىنشى ورىن الدى.
ەسكە سالايىق، قازاقستاندا بۇقارالىق اقپارات قۇرالدارى قىزمەتكەرلەرى كۇنى 2019 -جىلدان بەرى 28 -ماۋسىم كۇنى مەرەكەلەنىپ كەلەدى.