پاكىستاندىق ۇشقىشتار جالعان ليتسەنزيامەن جۇمىس ىستەگەن

نۇر-سۇلتان. قازاقپارات - «پاكىستانداعى ازاماتتىق اۆياتسيا ۇشقىشتارىنىڭ % 30- تەن استامى جالعان ليسەنزيامەن جۇمىس ىستەپ كەلگەن. «بۇل تۋرالى كاراچيدەگى ۇشاق اپاتىنان كەيىن بەلگىلى بولدى»، - دەيدى ەلدىڭ اۆياتسيا مينيسترلىگى.

تەكسەرۋ ناتيجەسىندە 300-گە جۋىق ۇشقىشتىڭ جازباشا ەمتيحاندى تاپسىرماعانى انىقتالدى. تەستىلەۋدەن وتپەگەندەردىڭ كوپشىلىگى پاكىستان حالىقارالىق اۋە جەلىسىنىڭ قىزمەتكەرلەرى. ولاردىڭ بارلىعىنا تەرگەۋ اياقتالعانعا دەيىن ۇشۋعا تىيىم سالىندى. ياعني، 150 ۇشقىش جۇمىستان شەتتەتىلدى.

ەستەرىڭىزگە سالا كەتەيىك، جۋىردا ەلدىڭ وڭتۇستىگىندە بولعان ۇشاق اپاتىنان 98 ادام قايتىس بولعان ەدى. لاينەردىڭ دىبىستىق جازباسى سوڭعى سەكۋندقا دەيىن جۇمىس ىستەگەن. ۇشقىشتار كوروناۆيرۋس تاقىرىبىن تالقىلاپ، ۇشاقتى باسقارۋعا ءمان بەرمەگەن كورىنەدى. سونىمەن بىرگەپ اۋە قوزعالىسىنىڭ ديسپەتچەرلەرى قوزعالتقىشتاردىڭ جەرگە سوقتىعىسۋى تۋرالى ايتپاعان.

www.24.kz