الماتىدا كوروناۆيرۋس جۇقتىرۋ قارقىنى تومەندەيتىن ءتۇرى جوق - ەپيدەميولوگ

الماتى. قازاقپارات - الماتىدا كوروناۆيرۋس ينفەكسياسىنىڭ تارالۋى باسەڭدەر ەمەس. بۇل تۋرالى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى اسەل حالىقوۆا ايتتى، دەپ حابارلايدى قازاقپارات ءتىلشىسى.

«ءبىزدىڭ باقىلاۋىمىزعا سايكەس، اۋرۋ جۇقتىرۋ كورسەتكىشى باسەڭدەيتىن ءتۇرى جوق. 2 كۇنگە ەنگىزىلگەن شەكتەۋ شارالارى ازدىق ەتەدى. سوندىقتان، اكىمدىك پەن كوميسسيا قوسىمشا شەكتەۋ شارالارىن ەنگىزۋ تۋرالى شەشىم قابىلدادى. ءبىز بىرنەشە ايدان بەرى وسى رەجيممەن ءومىر ءسۇرىپ كەلەمىز. سوڭعى ۋاقىتتا اۋرۋ كورسەتكىشى 2 ەسە وسكەن. اپتا سايىنعى ءوسىم كورسەتكىشى % 1,1 بولىپ تۇر. اۋرۋدىڭ ءوسۋى ءبىزدىڭ كارانتين شارالارىن ساقتاۋىمىزعا تىكەلەي بايلانىستى بولىپ تۇر»، - دەيدى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى اسەل حالىقوۆا.

ونىڭ ايتۋىنشا، قالادا 3,5 مىڭنان اسا ادام COVID-19 جۇقتىرعان. ەسكە سالا كەتەيىك، بۇعان دەيىن قالا اكىمىنىڭ ورىنباسارى دەمالىس كۇندەرى اۆتوجۋۋ، ت ق ك س، ءۇي جانىنداعى دۇكەندەر، پاركتەر مەن سكۆەرلەر، جازعى ءدامحانا الاڭدارى اشىق بولاتىنىن ايتتى.

ايتا كەتۋ كەرەك، اكىمدىك بۇگىن ۆيرۋس تارالۋ قاۋپى جوعارى سانالاتىن نىسانداردى دەمالىس كۇندەرى جابۋ تۋرالى شەشىم قابىلدادى. وعان دەيىن نۇر- سۇلتان قالاسىنىڭ اكىمدىگى وسىنداي قاۋلى قابىلداعان بولاتىن.

اۆتور: گۇلميرا عوسمانالي