ا ق ش ەلشىلىگى جەتى قالادا قىزدارعا ارنالعان تەحنيكالىق لاگەر ۇيىمداستىرماق

نۇر-سۇلتان. قازاقپارات - ا ق ش ەلشىلىگى قازاقستاننىڭ جەتى قالاسىندا قىزدارعا ارنالعان تەحنيكالىق لاگەردى ىسكە قوسادى، دەپ حابارلايدى قازاقپارات.

ساباقتار نۇر-سۇلتان، قاراعاندى، پاۆلودار، پەتروپاۆل، ورال، اقتوبە جانە وسكەمەندە ونلاين جانە وففلاين فورماتتا وتەدى. بىلتىر نۇر-سۇلتاندا ۇيىمداستىرىلعان Makercamp for Girls تەحنيكالىق لاگەرى گەوگرافيالىق اۋقىمىن كەڭەيتىپ، جەتى قالادا وتكىزىلەدى. بيىل العاش رەت ونلاين فورماتتا ۇيىمداستىرىلىپ وتىر.

ونلاين ساباقتار 13-شىلدەدە باستالىپ، 24-شىلدەدە لاگەر قاتىسۋشىلارى جوبالارىنىڭ پرەزەنتاتسياسىمەن اياقتالادى. Makercamp for Girls ماقساتى - قىزداردى ناقتى عىلىمدار بويىنشا قارقىندى پراكتيكالىق ساباقتار ارقىلى شابىتتاندىرىپ، ىنتالاندىرۋ، باعدارلامالاۋدا پراكتيكالىق داعدىلاردى قالىپتاستىرۋ، سونداي-اق تەحنولوگيا سالاسىندا ءوز يدەيالارىن جۇزەگە اسىرۋ.

قىزدار ەكى اپتا بويى باعدارلامالاۋ، سايت جاساۋ، سونداي-اق Scratch گرافيكالىق ءتىلىن ۇيرەنۋدە بازالىق ءبىلىمدى تەگىن الا الادى. شاقىرىلعان ساراپشىلار جوبا جۇمىستارى، ناقتى عىلىمدار مەن كوممۋنيكاتسيا داعدىلارىنداعى كرەاتيۆتىلىك ءرولى تۋرلى دارىستەر وتكىزەدى. قىزدار كۇندەلىكتى ومىردە كەزدەسەتىن ماسەلەلەر مەن جەرگىلىكتى پروبلەمالاردى شەشەتىن جوبالاردى ازىرلەپ، تاپسىرمالاردى ورىنداۋ ءۇشىن چات بوتتاردى پايدالانادى.

ونلاين لاگەرگە 15-18 جاس ارالىعىنداعى، ال وففلاين لاگەرگە 13-15 جاس ارالىعىنداعى مەكتەپ وقۋشىلارى قاتىسا الادى. ونلاين لاگەرگە قاتىسۋ ءۇشىن 2020 -جىلدىڭ 9-شىلدەسىنە دەيىن مىنا سىلتەمە بويىنشا تىركەلۋ قاجەت.

Makercamp for Girls باعدارلاماسى العاش رەت 2017 -جىلى الماتىدا ا ق ش-تىڭ الماتىداعى باس كونسۋلدىعىنىڭ قولداۋىمەن مەن «شيەۆرون» كومپانياسىنىڭ دەمەۋشىلىگى ارقاسىندا جۇزەگە اسىرىلدى. تولىق اقپاراتتى لاگەردىڭ ينستاگرامداعى پاراقشاسىنان بىلۋگە بولادى: @Makercampkz