ۆەدومستۆونىڭ مالىمەتىنشە، 43 جاستاعى استانالىق ناۋقاس دارىگەر ەكى اپتا بويى اقمولا وبلىستىق تۋبەركۋلەزگە قارسى ديسپانسەرىنىڭ جۇقپالى اۋرۋلار ديسپانسەرىندە ەم قابىلداعان.
«سوڭعى ءبىر اپتادا ناۋقاستىڭ جاعدايى كۇرت ناشارلاپ كەتتى. سول سەبەپتى ول جاساندى تىنىس الۋ اپپاراتىنا قوسىلدى. الايدا، دارىگەرلەر ونىڭ ومىرىنە اراشا تۇسە المادى. ول بۇگىن كوز جۇمدى»، - دەلىنگەن ۆەدومستۆونىڭ حابارلاماسىندا.
43 جاستاعى استانالىق دارىگەر كوكشەتاۋداعى اتا-اناسىنا قوناققا كەلگەن بولاتىن. كەيىن ونىڭ ءوزى مەن اتا-اناسى جانە اپكەسىنەن كوروناۆيرۋس تابىلدى. كوپ ۇزاماي اتا-اناسى اراعا ەكى كۇن سالىپ، بىرىنەن سوڭ ءبىرى كوز جۇمدى. ەندى ءوزى كوروناۆيرۋستىڭ قۇربانىنا اينالىپ وتىر. سونىمەن قاتار، كوز جۇمعان دارىگەردىڭ اپكەسى مەن اپكەسىنىڭ ارىپتەستەرىنەن دە كوروناۆيرۋس انىقتالعان.
ايتا كەتەيىك، قازاقستاندا COVID-19 دان بارلىعى 147 ادام كوز جۇمعان.